Handbolti

Mættu með rjómatertu í klefann til Vals sem endaði í andlitinu

Sindri Sverrisson skrifar
Ágúst Jóhannsson fékk rjómatertu í andlitið og var sjálfsagt bara kátur enda stórsigur í höfn.
Ágúst Jóhannsson fékk rjómatertu í andlitið og var sjálfsagt bara kátur enda stórsigur í höfn. Stöð 2 Sport

„Hvort verða það stelpurnar eða þú sem færð rjómatertuna í andlitið eftir leik?“ spurði Svava Kristín Gretarsdóttir, stjórnandi Seinni bylgjunnar, glottandi þegar hún færði Ágústi Jóhannssyni tertu að gjöf í búningsklefa kvennaliðs Vals í handbolta á miðvikudaginn.

Ágúst sagði við leikmenn sína í Val eftir sigur gegn Fram á dögunum að þeir mættu ekki telja sig of góða eftir sigurinn því þá fengju þeir „rjómatertu í andlitið“ í næsta leik. Svava sá til þess að rjómaterta yrði til taks í þeim leik.

Valskonur sýndu hins vegar enga vægð gegn ÍBV á miðvikudag og unnu 35-21 sigur, og forðuðust þannig rjómatertuna sem endaði í andliti þjálfarans við mikla kátínu eins og sjá má.

Upphitunarþátt Seinni bylgjunnar má sjá hér að neðan. Rjómatertan fer á loft eftir um sjö mínútur af þættinum:

Klippa: Seinni bylgjan: Upphitun fyrir sjöundu umferð

Auk þess að fara yfir leik Vals og ÍBV hituðu Svava Kristín og Sigurlaug Rúnarsdóttir upp fyrir sjöundu umferð deildarinnar sem fer öll fram á morgun.

„Þetta eru fjórir alvöru leikir,“ sagði Svava en umfjöllun um leikina má sjá í þættinum hér að ofan.

Sjöunda umferð:

  • ÍBV – Fram
  • Afturelding – HK
  • Valur – KA/Þór
  • Stjarnan – Haukar



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.