Innlent

Tvö hundruð greindust innan­lands

Atli Ísleifsson skrifar
Covid-sýnataka á Suðurlandsbraut hjá Heilsugæslu höfuðborgarsvæðisins
Covid-sýnataka á Suðurlandsbraut hjá Heilsugæslu höfuðborgarsvæðisins Vísir/Vilhelm

Tvö hundruð manns greindust með kórónuveiruna innanlands í gær. Þriðja sólarhringinn í röð er met slegið þegar kemur að fjölda smitaðra hér á landi, en 167 greindust á mánudag og 178 í gær. 

Þetta kemur fram á síðunni covid.is. 1.505 eru nú í einangrun vegna Covid-19, en voru 1.353 í gær. 2.365 eru nú í sóttkví, en voru 2.130 í gær. 206 eru nú í skimunarsóttkví.

77 af þeim tvö hundruð sem greindust innanlands í gær voru í sóttkví við greiningu, eða 38,5 prósent. 123 voru utan sóttkvíar, eða 61,5 prósent.

Átta smit kom upp á landamærunum í gær –sex virk smit í fyrri landamæraskimun og þá er niðurstöðu mótefnamælingar beðið í tilviki tveggja.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 445,1, en var 418,9 í gær. Nýgengi á smiti á landamærum er nú 25,9 en var 23,7 í gær.

Alls hafa 15.140 manns greinst með kórónuveiruna hér á landi frá því faraldurinn hófst í lok febrúar á síðasta ári. Þá hafa 34 andlát verið rakin til Covid-19 hér á landi frá upphafi faraldursins.

Alls voru tekin 2.276 einkennasýni hjá sýkla- og veirufræðideild Landspítalans og Íslenskri erfðagreiningu í gær. Þá voru 1.038 sýni tekin á landamærunum eða í seinni landamæraskimun og 716 í svokallaðri sóttkvíar- og handahófsskimun.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.