Erlent

Einn liggur í valnum og níu eru særðir eftir skot­á­rás á hrekkja­vöku­balli

Árni Sæberg skrifar
Frá vettvangi árásarinnar þar sem einn lést og níu særðust.
Frá vettvangi árásarinnar þar sem einn lést og níu særðust. Facebook/Texarkana Texas Police department

Lögreglan í Texarkana í Texas hefur haft hendur í hári 21 árs gamals manns sem grunaður er um skotárás sem framin var á skemmtistað þar sem hrekkjavökuball fór fram í gærkvöldi. Tvítugur karlmaður lést og níu særðust í árásinni.

Í tilkynningu á Facebook-síðu logreglunnar segir að þónokkrar tilkynningar um skothríð hafi borist um klukkan 23 að staðartíma. Þegar lögregluþjónar hafi mætt að Octavia's viðburðarsalnum hafi mikill hópur fólks á flótta mætt þeim.

Þegar inn var komið hafi fundist tíu særðir sem fluttir voru á sjúkrahús. Einn þeirra hafi látist skömmu síðar. Lögreglan telur að minnst tvö hundruð manns hafi verið í partýinu.

Þá segir að óljóst sé hvað hafi vakað fyrir árásarmanninum en að frumrannsókn bendi til þess að einhvers konar ágreiningur hafi komið upp meðal partýgesta.

Færslu lögreglunnar í Texarkana má lesa í heild sinni hér að neðan:

Bandaríkin Skotárásir í Bandaríkjunum Hrekkjavaka
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið