Lífið

Íbúð Bigga löggu breytt í draumaheimilið: „Ég er agndofa“

Sylvía Rut Sigfúsdóttir skrifar
Biggi lögga var agndofa yfir breytingum Soffíu Daggar í fyrsta þættinum af Skreytum hús.
Biggi lögga var agndofa yfir breytingum Soffíu Daggar í fyrsta þættinum af Skreytum hús. Skreytum hús

„Það er ekki oft sem ég fæ útkall frá lögreglunni,“ segir Soffía Dögg Garðarsdóttir þáttastjórnandi Skreytum hús. Í fyrsta þættinum í nýrri þáttaröð gerir hún íbúð að draumaheimili.

Birgir Örn Guðjónsson, best þekktur sem Biggi lögga, flutti í íbúð á Völlunum í Hafnarfirði fyrir tveimur árum síðan.

„Ég skildi þá og keypti mér eign og ég vildi ekki taka neitt með úr hinni eigninni af því að ég vildi bara að krakkarnir væru þar með mömmu sinni og allt væri bara eins og það væri.“

Hann fyllti því nýju íbúðina sína af hinum og þessum húsgögnum til bráðabirgða og sagði börnunum að þau myndu byggja þetta heimili þeirra upp hægt og rólega. Þessi bráðabirgðalausn hans var nefnilega eiginlega að verða að endanlegri lausn svo hann fékk Soffíu til að taka allt í gegn og breyta íbúðinni í draumaheimilið.

Þáttinn má sjá í heild sinni í spilaranum hér fyrir neðan og við mælum með því að þú horfir á þáttinn áður en þú lest áfram, þar sem lokaútkomuna má finna neðar í greininni. Nýr þáttur af Skreytum hús birtist svo hér á Vísi og á Stöð 2+ efnisveitunni alla miðvikudaga næstu vikur.

Klippa: Skreytum hús - Biggi lögga í blokkinni

Rýmið kuldalegt 

„Ég hef ekki sterkar skoðanir á þessu,“ sagði Biggi hreinskilin við Soffíu áður en hún byrjaði á breytingunum. „Hann var tilbúinn til að leyfa mér að hlaupa svolítið með þetta, það er svolítið mín draumastaða, ég fæ að ráða.“

Stofan fyrir.Skreytum hús

„Þetta er svolítið kuldalegt,“ segir Byggi um rýmið fyrir breytingar. „Mig langar að þetta verði svolítið hlýlegt, heimilislegt.“

Eldhúsið fyrir.Skreytum hús

Biggi tók niður eldhússkáp og losaði sig við flest húsgögnin úr eldhúsinu og stofunni. Flísar á eldhúsveggjum voru málaðar og hillum bætt við. Ný húsgögn, kósý sófi og mottur gjörbreyttu íbúðinni. Viðarveggþiljur, gardínur og fallegt skraut Soffíu setti svo punktinn yfir i-ið. 

Úr íbúð í heimili

„Er þetta örugglega rétt íbúð?“ spurði Biggi þegar hann fékk að koma heim aftur eftir breytingarnar.  „Þetta er eins og allt önnur íbúð, ertu ekki að grínast?“

Stofan eftir breytingu. Það kemur mikill hlýleiki frá viðnum á veggnum og sófafótunum.Skreytum hús

Biggi segir að það hafi komið á óvart hversu hratt þetta gekk fyrir sig. 

„Þetta var íbúð, en nú er þetta heimili.“

Hann var alveg í skýjunum með allt saman og er spenntur að bjóða fólki í mat og halda spilakvöld.

„Ég er ennþá að átta mig á því að þetta sé heimilið mitt,“ sagði hann um lokaútkomuna, brosandi eyrna á milli. „Ég er agndofa.“

Eldhúsið eftir. Það breytti miklu að mála flísarnar hvítar og fjarlægja staka veggskápinn.Skreytum hús

Í ítarlegri bloggfærslu á síðunni Skreytum hús er hægt að finna frekari upplýsingar um breytingarnar og þær vörur sem Soffía Dögg notaði til þess að breyta rýminu.

Soffía valdi stækkanlegt borð í stofuna svo hægt er að koma allt að tólf stólum við borðið.Skreytum hús

Soffía Dögg gerði tvö „moodboard“ fyrir breytingarnar til þess að sjá betur fyrir sér lokaútkomuna. 

Skreytum hús
Skreytum hús

Hægt er að sjá breytinguna og horfa á þáttinn í heild sinni í spilaranum hér ofar í fréttinni. Þættirnir eru sýndir á miðvikudögum hér á Vísi og fara samhliða því inn á Stöð 2+.


Tengdar fréttir

Soffía Dögg fer af stað með nýja þáttaröð af Skreytum hús

Í næstu viku fer af stað hér á Vísi þriðja þáttaröðin af Skreytum hús. Soffía Dögg Garðarsdóttir er spennt að fara aftur af stað. Hundruð einstaklinga sóttu um að taka þátt og voru valin nokkur rými sem Soffía Dögg tekur í gegn í þáttunum.

Vilt þú taka þátt í þriðju þáttaröð af Skreytum hús?

Vísir leitar nú að þátttakendum fyrir þriðju þáttaröðina af Skreytum hús, sem sýndir eru hér á Vísi og á Stöð 2+ efnisveitunni. Í þáttunum tekur Soffía Dögg Garðarsdóttir rými í gegn og fá áhorfendur að fylgjast með ferlinu alveg frá byrjun.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.