Katrín Tanja tekur harkalega U-beygju: Ég er ekki búin Óskar Ófeigur Jónsson skrifar 20. október 2021 08:30 Katrín Tanja Davíðsdóttir með vinkonu sinni og æfingafélaga Anníe Mist Þórisdóttur. Instagram/@katrintanja Katrín Tanja Davíðsdóttir náði ekki sínum markmiðum á heimsleikunum í CrossFit í sumar en það er mikill hugur í tvöfalda heimsmeistaranum fyrir komandi tímabil. Katrín Tanja fór frá því að vinna silfur á heimsleikunum 2020 í það enda neðar en hún hafði endað á heimsleikunum í sjö ár. Svava Kristín Grétarsdóttir hitti CrossFit stórstjörnurnar Anníe Mist Þórisdóttur og Karínu og spurði Katrínu Tönju meðal annars út í vonbrigðin á síðustu heimsleikum. „Við erum aldrei að stefna á tíunda sætið og það er bara þannig, því við viljum vera bestar í heimi,“ segir Katrín Tanja. Anníe bjargaði hennar heimsleikum „Þetta eru bara íþróttirnar og það eru betri ár og verri ár. Þá endurmetur maður stöðuna og skoðar hvað fór úrskeiðis. Hún gerði mína leika til dæmis. Það var magnað,“ segir Katrín og gaf Anníe faðmlag. Anníe Mist vann silfrið í magnaðri endurkomu sinni eftir að hafa eignast barn ári áður. „Það var magnað að fá að fylgjast með Anníe og ég hafði líka fengið að fylgjast með henni á baklínunni. Ég veit hvað þetta var erfitt og mikil áskorun fyrir hana. Það eru allir með stjörnur í augunum að hún hafi komist svona út úr leikunum,“ segir Katrín. View this post on Instagram A post shared by Katri n Tanja Davi ðsdo ttir (@katrintanja) „Þetta var ekki hægt án hennar“ Anníe Mist þakkar Katrínu líka. „Þetta var ekki hægt án hennar,“ skaut Anníe inn í en Katrín hélt áfram að gera upp sína heimsleika. „Ég fékk ekki mitt ár en það er þannig í íþróttunum að maður á góð ár og slæm ár. Þegar ég verð orðin sextíu ára þá get ég alveg horft til baka og sagt ég komst inn á topp tíu meðal þeirra hraustustu í heimi. Núna líður mér ekki þannig. Núna líður mér eins og ég hafi ollið sjálfri mér og fólkinu mínu vonbrigðum,“ segir Katrín. „Á svoleiðis stundu þá endurmetur maður stöðuna. Ég nota það bara. Ég er ekki búin því það er svo margt sem maður á eftir. Sem betur fer, að þegar það er slæmur dagur, þá kemur nýr dagur og þegar maður á slæmt ár þá kemur nýtt ár,“ segir Katrín. Klippa: Katrín Tanja ræðir síðustu heimsleika og framhaldið Vita betur næst og gera bestur næst „Síðustu mánuðir hjá mér hafa bara verið fullir af æfingum. Ég hef verið mikið að endurmeta það hvað mig vantar. Hvað er það sem ég er ekki að sjá? Hvað er það sem ég er ekki búin að vera að vinna rétt í? Ég er rosalega mikið að endurmeta stöðuna, gera betur og nota þetta,“ segir Katrín. „Auðvitað er þetta erfitt en líka bara að muna það að maður gerir alltaf sitt besta með það sem maður hefur. Núna er bara að vita betur næst og gera bestur næst og nota þetta í ár,“ segir Katrín. Anníe Mist kemur þarna inn í viðtalið og segir frá sinni reynslu. „Ég hef átt svona ár líka og það góða við þau ár er að maður finnur út úr hlutum. Það er pínu klikkað að við erum búin að vera í þessu í svo mörg ár en eftir hvert ár þá getur maður farið til baka og sagt: Ég get bætt mig svo ógeðslega mikið hérna, vá ég get bætt mig svo mikið hérna. Þetta hérna fór úrskeiðis og þetta hefði getað farið betur hér og þar. Þarna erum við komin með sæti, sæti, sæti til að klifra upp,“ segir Anníe. View this post on Instagram A post shared by Katri n Tanja Davi ðsdo ttir (@katrintanja) Aldrei með eins mikinn metnað og eftir þau ár „Ég held yfirleitt, ef við erum eins, að ef maður á eitthvað ár þegar maður er ekki nógu sáttur, þá kemur alltaf sterkari til baka eftir þau ár. Maður er aldrei með eins mikinn metnað og eftir þau ár,“ segir Anníe. „Við höfum verið á toppnum og við höfum átt okkar erfiðu ár. Þessi erfiðu ár eru þau sem þvinga mann aðeins hærra. Þau fá mann til að líta í eigin barm og segja við sjálfan sig: Mig langar þetta ekki aftur. Mig langar ekki að líða aftur svona. Hvað er það ég þarf að gera? Þetta lætur mann taka harkalegri U-beygju til þess að vinna í sínum hlutum,“ segir Katrín. Katrín Tanja talaði líka um viðbrögðin frá fólki þegar hún kom til baka. Það er vissulega mikið afrek að vera eins af tíu hraustustu CrossFit konum heims. Fólk veit ekki alveg hvað það á að segja. Fólk veit ekki alveg hvað það á að segja. Margir segja bara til hamingju. Mér finnst erfitt að taka við til hamingju. Fyrir hvað? Auðvitað er þetta alveg afrek og maður gerði sitt besta,“ segir Katrín. „Að sjálfsögðu, við erum að tala um að vera inn á topp tíu á heimsleikunum,“ skaut Anníe inn. „Svo eru sumir bara rosalega heiðarlegir. Ég mætti einum sem sagði við mig: Þetta bara gekk ekki nógu vel hjá þér í ár. Nei, það bara gerði það ekki,“ segir Katrín. Hér fyrir ofan má sjá þetta viðtalsbrot úr spjallinu við þær Katrínu Tönju og Anníe Mist. CrossFit Mest lesið Var spáð falli en eru á leið í Meistaradeildina Fótbolti „Eins og að spila við landslið Þýskalands nasismans“ Sport Verstappen á ráspól og jafnaði 35 ára gamalt met Formúla 1 Lowry hástökkvari dagsins og blandar sér í baráttuna Golf Ótrúlegir yfirburðir tryggðu tíunda bikarmeistaratitilinn Fótbolti Stutt gaman hjá Birki er Brescia missti af sæti í efstu deild Fótbolti Klökkur Jóhann Berg beygði af í viðtali Enski boltinn Uppgjörið,viðtöl og myndir: Valur - Olympiacos 30-26 | Einum leik frá Evróputitli Handbolti AC Milan hleypti Torino inn í Evrópubaráttu Fótbolti Reykti tvo pakka, át fjögur súkkulaðistykki og drakk tvær kókdósir á fyrsta hringnum Golf Fleiri fréttir Lowry hástökkvari dagsins og blandar sér í baráttuna Var spáð falli en eru á leið í Meistaradeildina Verstappen á ráspól og jafnaði 35 ára gamalt met Ótrúlegir yfirburðir tryggðu tíunda bikarmeistaratitilinn Stutt gaman hjá Birki er Brescia missti af sæti í efstu deild AC Milan hleypti Torino inn í Evrópubaráttu Uppgjörið,viðtöl og myndir: Valur - Olympiacos 30-26 | Einum leik frá Evróputitli Elvar stigahæstur í grátlegu tapi „Ég á von á því að það verði allt önnur tónlist hjá þeim í Grikklandi“ „Ef við þolum þann þrýsting sem verður í Grikklandi eigum við skilið að verða Evrópumeistarar“ Aníta tryggði sér Norðurlandameistaratitilinn Ómar og Viggó röðuðu inn mörkum í sigrum „Eins og að spila við landslið Þýskalands nasismans“ Bjarki og félagar í úrslit eftir öruggan sigur Keflavík og Grindavík tryggðu sér sæti í átta liða úrslitum Jón Daði og félagar náðu ekki að koma sér upp um deild Hayes kvaddi Chelsea með fimmta titlinum í röð og Dagný komin í hóp Leiknir vann Breiðholtsslaginn og Njarðvík með fullt hús stiga Reus kvaddi með draumamarki og Leverkusen kláraði tímabilið ósigrað De Zerbi hættir hjá Brighton Foden valinn bestur á Englandi Sandra María lagði upp bæði mörk Þórs/KA í bikarsigri á Dalvík Hélt upp á landsliðsvalið með marki Fury í ham og ýtti Usyk í vigtuninni Tvisvar sinnum rekinn á sama deginum Koddaslagur sjónvarpsstjörnu endaði með ósköpum Arteta vonast eftir hjálp frá Moyes: „Vonandi gerist eitthvað dásamlegt“ Klökkur Jóhann Berg beygði af í viðtali Reykti tvo pakka, át fjögur súkkulaðistykki og drakk tvær kókdósir á fyrsta hringnum Jóhann Berg fer frá Burnley í sumar Sjá meira
Katrín Tanja fór frá því að vinna silfur á heimsleikunum 2020 í það enda neðar en hún hafði endað á heimsleikunum í sjö ár. Svava Kristín Grétarsdóttir hitti CrossFit stórstjörnurnar Anníe Mist Þórisdóttur og Karínu og spurði Katrínu Tönju meðal annars út í vonbrigðin á síðustu heimsleikum. „Við erum aldrei að stefna á tíunda sætið og það er bara þannig, því við viljum vera bestar í heimi,“ segir Katrín Tanja. Anníe bjargaði hennar heimsleikum „Þetta eru bara íþróttirnar og það eru betri ár og verri ár. Þá endurmetur maður stöðuna og skoðar hvað fór úrskeiðis. Hún gerði mína leika til dæmis. Það var magnað,“ segir Katrín og gaf Anníe faðmlag. Anníe Mist vann silfrið í magnaðri endurkomu sinni eftir að hafa eignast barn ári áður. „Það var magnað að fá að fylgjast með Anníe og ég hafði líka fengið að fylgjast með henni á baklínunni. Ég veit hvað þetta var erfitt og mikil áskorun fyrir hana. Það eru allir með stjörnur í augunum að hún hafi komist svona út úr leikunum,“ segir Katrín. View this post on Instagram A post shared by Katri n Tanja Davi ðsdo ttir (@katrintanja) „Þetta var ekki hægt án hennar“ Anníe Mist þakkar Katrínu líka. „Þetta var ekki hægt án hennar,“ skaut Anníe inn í en Katrín hélt áfram að gera upp sína heimsleika. „Ég fékk ekki mitt ár en það er þannig í íþróttunum að maður á góð ár og slæm ár. Þegar ég verð orðin sextíu ára þá get ég alveg horft til baka og sagt ég komst inn á topp tíu meðal þeirra hraustustu í heimi. Núna líður mér ekki þannig. Núna líður mér eins og ég hafi ollið sjálfri mér og fólkinu mínu vonbrigðum,“ segir Katrín. „Á svoleiðis stundu þá endurmetur maður stöðuna. Ég nota það bara. Ég er ekki búin því það er svo margt sem maður á eftir. Sem betur fer, að þegar það er slæmur dagur, þá kemur nýr dagur og þegar maður á slæmt ár þá kemur nýtt ár,“ segir Katrín. Klippa: Katrín Tanja ræðir síðustu heimsleika og framhaldið Vita betur næst og gera bestur næst „Síðustu mánuðir hjá mér hafa bara verið fullir af æfingum. Ég hef verið mikið að endurmeta það hvað mig vantar. Hvað er það sem ég er ekki að sjá? Hvað er það sem ég er ekki búin að vera að vinna rétt í? Ég er rosalega mikið að endurmeta stöðuna, gera betur og nota þetta,“ segir Katrín. „Auðvitað er þetta erfitt en líka bara að muna það að maður gerir alltaf sitt besta með það sem maður hefur. Núna er bara að vita betur næst og gera bestur næst og nota þetta í ár,“ segir Katrín. Anníe Mist kemur þarna inn í viðtalið og segir frá sinni reynslu. „Ég hef átt svona ár líka og það góða við þau ár er að maður finnur út úr hlutum. Það er pínu klikkað að við erum búin að vera í þessu í svo mörg ár en eftir hvert ár þá getur maður farið til baka og sagt: Ég get bætt mig svo ógeðslega mikið hérna, vá ég get bætt mig svo mikið hérna. Þetta hérna fór úrskeiðis og þetta hefði getað farið betur hér og þar. Þarna erum við komin með sæti, sæti, sæti til að klifra upp,“ segir Anníe. View this post on Instagram A post shared by Katri n Tanja Davi ðsdo ttir (@katrintanja) Aldrei með eins mikinn metnað og eftir þau ár „Ég held yfirleitt, ef við erum eins, að ef maður á eitthvað ár þegar maður er ekki nógu sáttur, þá kemur alltaf sterkari til baka eftir þau ár. Maður er aldrei með eins mikinn metnað og eftir þau ár,“ segir Anníe. „Við höfum verið á toppnum og við höfum átt okkar erfiðu ár. Þessi erfiðu ár eru þau sem þvinga mann aðeins hærra. Þau fá mann til að líta í eigin barm og segja við sjálfan sig: Mig langar þetta ekki aftur. Mig langar ekki að líða aftur svona. Hvað er það ég þarf að gera? Þetta lætur mann taka harkalegri U-beygju til þess að vinna í sínum hlutum,“ segir Katrín. Katrín Tanja talaði líka um viðbrögðin frá fólki þegar hún kom til baka. Það er vissulega mikið afrek að vera eins af tíu hraustustu CrossFit konum heims. Fólk veit ekki alveg hvað það á að segja. Fólk veit ekki alveg hvað það á að segja. Margir segja bara til hamingju. Mér finnst erfitt að taka við til hamingju. Fyrir hvað? Auðvitað er þetta alveg afrek og maður gerði sitt besta,“ segir Katrín. „Að sjálfsögðu, við erum að tala um að vera inn á topp tíu á heimsleikunum,“ skaut Anníe inn. „Svo eru sumir bara rosalega heiðarlegir. Ég mætti einum sem sagði við mig: Þetta bara gekk ekki nógu vel hjá þér í ár. Nei, það bara gerði það ekki,“ segir Katrín. Hér fyrir ofan má sjá þetta viðtalsbrot úr spjallinu við þær Katrínu Tönju og Anníe Mist.
CrossFit Mest lesið Var spáð falli en eru á leið í Meistaradeildina Fótbolti „Eins og að spila við landslið Þýskalands nasismans“ Sport Verstappen á ráspól og jafnaði 35 ára gamalt met Formúla 1 Lowry hástökkvari dagsins og blandar sér í baráttuna Golf Ótrúlegir yfirburðir tryggðu tíunda bikarmeistaratitilinn Fótbolti Stutt gaman hjá Birki er Brescia missti af sæti í efstu deild Fótbolti Klökkur Jóhann Berg beygði af í viðtali Enski boltinn Uppgjörið,viðtöl og myndir: Valur - Olympiacos 30-26 | Einum leik frá Evróputitli Handbolti AC Milan hleypti Torino inn í Evrópubaráttu Fótbolti Reykti tvo pakka, át fjögur súkkulaðistykki og drakk tvær kókdósir á fyrsta hringnum Golf Fleiri fréttir Lowry hástökkvari dagsins og blandar sér í baráttuna Var spáð falli en eru á leið í Meistaradeildina Verstappen á ráspól og jafnaði 35 ára gamalt met Ótrúlegir yfirburðir tryggðu tíunda bikarmeistaratitilinn Stutt gaman hjá Birki er Brescia missti af sæti í efstu deild AC Milan hleypti Torino inn í Evrópubaráttu Uppgjörið,viðtöl og myndir: Valur - Olympiacos 30-26 | Einum leik frá Evróputitli Elvar stigahæstur í grátlegu tapi „Ég á von á því að það verði allt önnur tónlist hjá þeim í Grikklandi“ „Ef við þolum þann þrýsting sem verður í Grikklandi eigum við skilið að verða Evrópumeistarar“ Aníta tryggði sér Norðurlandameistaratitilinn Ómar og Viggó röðuðu inn mörkum í sigrum „Eins og að spila við landslið Þýskalands nasismans“ Bjarki og félagar í úrslit eftir öruggan sigur Keflavík og Grindavík tryggðu sér sæti í átta liða úrslitum Jón Daði og félagar náðu ekki að koma sér upp um deild Hayes kvaddi Chelsea með fimmta titlinum í röð og Dagný komin í hóp Leiknir vann Breiðholtsslaginn og Njarðvík með fullt hús stiga Reus kvaddi með draumamarki og Leverkusen kláraði tímabilið ósigrað De Zerbi hættir hjá Brighton Foden valinn bestur á Englandi Sandra María lagði upp bæði mörk Þórs/KA í bikarsigri á Dalvík Hélt upp á landsliðsvalið með marki Fury í ham og ýtti Usyk í vigtuninni Tvisvar sinnum rekinn á sama deginum Koddaslagur sjónvarpsstjörnu endaði með ósköpum Arteta vonast eftir hjálp frá Moyes: „Vonandi gerist eitthvað dásamlegt“ Klökkur Jóhann Berg beygði af í viðtali Reykti tvo pakka, át fjögur súkkulaðistykki og drakk tvær kókdósir á fyrsta hringnum Jóhann Berg fer frá Burnley í sumar Sjá meira