Körfubolti

Haukakonur keyrðu Skallagrím í kaf

Hjörtur Leó Guðjónsson skrifar
Haukar áttu ekki í neinum vandræðum með Skallagrím í Subway-deild kvenna í kvöld.
Haukar áttu ekki í neinum vandræðum með Skallagrím í Subway-deild kvenna í kvöld. Vísir/Bára Dröfn

Haukar tóku á móti Skallagrím í þriðju umferð Subway-deildar kvenna í kvöld. Óhætt er að segja að yfirburður Haukakvenna hafi verið algjörir, en lokatölur urðu 93-29.

Heimakonur settu tóninn snemma og skoruðu 11 stig gegn aðeins tveim stigum gestanna í upphafi leiks. Gestirnir náðu að hlda aðeins í Haukakonur út fyrsta leikhluta, en að honum loknum var staðan 26-15.

Haukakonur gjörsamlega gengu frá gestunum í öðrum leikhluta og skoruðu 25 stig gegn einu stigi Skallagríms og staðan var því 51-16 þegar flautað var til hálfleiks.

Ekki batnaði staðan fyrir gestina í þriðja leikhluta, en þrátt fyrir að ná að skora sjö sinnum fleiri stig en í öðrum leikhluta stækkaði bilið um 13 stig og staðan var 71-23 þegar komið var að lokaleikhlutanum.

Haukakonur héldu áfram að þjarma að gestunum í lokaleikhlutanum og unnu að lokum gríðarlega öruggan 64 stiga sigur, 93-29.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.