Handbolti

Teitur á leið til Þýskalands

Hjörtur Leó Guðjónsson skrifar
Teitur Örn Einarsson er á förum frá Kristianstad.
Teitur Örn Einarsson er á förum frá Kristianstad. vísir/getty

Handknattleiksmaðurinn Teitur Örn Einarsson er á leið frá sænska liðinu Kristianstad, en heimildir herma að hann sé á leið í þýsku úrvalsdeildina.

Teitur var ekki í leikmannahóp Kristianstad sem mætti Alingsås í sænsku deildinni í dag, en á heimasíðu félagsins er greint frá því að hann sé á förum frá liðinu.

Í tilkynningu Kristianstad kemur fram að Selfyssingurinn hafi náð samkomulagi við annað félag, en ekki er tekið fram hvaða félag það er.

Samkvæmt heimildum sænska miðilsins Kristianstadbladet er Teitur á leiðinni í þýsku úrvalsdeildina, nánar tiltekið, til Flensburg.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.