Innlent

Hátt í 300 í sótt­kví eftir að tólf börn á Akur­eyri greindust með Co­vid

Þorgils Jónsson skrifar
Þrátt fyrir að tólf grunnskólabörn hafi greinst með Covid og hátt í 300 fari í sóttkví, mun skólastarf engu að síður verða óbreytt á morgun. Það gæti breyst, berist tilmæli þar að lútandi frá sóttvarnaryfirvöldum.
Þrátt fyrir að tólf grunnskólabörn hafi greinst með Covid og hátt í 300 fari í sóttkví, mun skólastarf engu að síður verða óbreytt á morgun. Það gæti breyst, berist tilmæli þar að lútandi frá sóttvarnaryfirvöldum.

Tólf börn í grunnskólum á Akureyri eru með staðfest Covid-19 smit og eru fleiri en 250 börn og 33 starfsmenn skólanna komin í sóttkví vegna þessa. Þetta kemur fram í tilkynningu frá Akureyrarbæ í kvöld.

Samkvæmt henni verður skólastarf með eðlilegum hætti á morgun, föstudaginn 1. október, „en gripið hefur verið til viðeigandi ráðstafana í öllum grunnskólum bæjarins og sameiginlegum viðburðum sem ekki eru hluti af daglegu skólastarfi hefur verið frestað“.

Smitrakning stendur yfir, en enn sem komið er hafa skólayfirvöldum á Akureyri ekki borist fyrirmæli frá rakningarteymi eða sóttvarnaryfirvöldum um takmarkanir á skólastarfi. Berist slíkt verði „brugðist skjótt við og upplýsingum komið hratt og örugglega á framfæri“.

Eru foreldrar í bænum auk þess hvött til að skrá sig og börn sín strax í sýnatöku verði vart við einkenni.

Faraldur kórónuveiru (COVID-19) Akureyri

Tengdar fréttir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið