Golf

Evrópumenn þurfa kraftaverk til að vinna Ryder-bikarinn

Hólmfríður Gísladóttir skrifar
Dustin Johnson og Collin Morikawa höfðu betur en Rory McIlroy og Ian Poulter.
Dustin Johnson og Collin Morikawa höfðu betur en Rory McIlroy og Ian Poulter. AP/Charlie Neibergall

Kraftaverk þarf að eiga sér stað til að Evrópa eigi möguleika á því að vinna Ryder-bikarinn. Staðan fyrir lokadaginn er 11-5, Bandaríkjamönnum í vil og þurfa Evrópumenn að tryggja sér níu stig á morgun til að halda bikarnum.

Bandaríkjamenn þurfa aðeins þrjá og hálfan vinning til að sigra bikarinn af tólf mögulegum. „Þetta er enn mögulegt,“ sagði Padraig Harrington, þjálfari Evrópuliðsins, hins vegar eftir daginn.

„Þetta er bara hálfu stigi meira en við fengum í tvímenningnum á Medinah. Það leikur enginn vafi á því að það verður okkur ofarlega í huga. Þeir þurfa bara að fara út og vinna sinn leik. Þeir verða að einblína á það og vera ekki að horfa á stóru myndina; bara þá sjálfa,“ sagði hann.

Það sem Harrington er að vísa til er „kraftaverkið á Medinah“ árið 2012, þegar staðan var 10-6, Bandaríkjamönnum í vil, fyrir lokadaginn. Evrópumenn tryggðu sér átta og hálft stig í tvímenningnum og unnu bikarinn, í fimmta sinn í sex keppnum.

Steve Stricker, sem fer fyrir liði Bandaríkjanna, sagðist ekki vilja hugsa um „kraftaverkið“ en sagði úrslitin ekki ráðin. Meðal þeirra sem leika fyrir Evrópu á morgun er Rory McIlroy, sem hefur tapað þremur viðureignum í vikunni.

BBC greindi frá.


Tengdar fréttir

Banda­ríkin leiða í Ryder-bikarnum eftir að lenda undir

Evrópa tók fyrsta slag dagsins er Jon Rahm og Sergio Garcia unnu sigur á Jordan Spieth og Justin Thomas. Bandaríkin létu það ekki slá sig út af laginu og unnu hina þrjá leiki dagsins og leiða því 3-1 sem stendur.

Harry Potter-stjarnan Tom Felton hneig niður á golfvelli

Leikarinn Tom Felton hneig niður á golfmóti í Wisconsin í gær og þurfti að bera hann af vellinum. Felton, sem er best þekktur fyrir að leika Draco Malfoy í kvikmyndunum um Harry Potter, var fluttur á sjúkrahús en engar frekari upplýsingar liggja fyrir.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.