Innlent

Vildi ekki þiggja að­stoð eftir um­ferðar­slys en sagðist sár eftir líkams­á­rás

Hólmfríður Gísladóttir skrifar
Vísir/Vilhelm

Lögreglunni á höfuðborgarsvæðinu barst tilkynning um umferðarslys í miðborginni um kvöldmatarleytið í gær. Þar hafði bifreið verið bakkað á mann sem var að ganga yfir götu. Maðurinn vildi enga aðstoð þiggja, að því segir í tilkynningu lögreglu, en sagðist finna til í öllum skrokknum vegna líkamsárásar sem hann hafði orðið fyrir skömmu.

Um klukkan 21.30 barst lögreglu tilkynning um konu sem var sögð liggja ofurölvi og sofandi í aftursæti bifreiðar með hurðina opna. Var konan vakin en hún neitaði að gefa upp persónuupplýsingar og sagðist ekkert kannast við bifreiðina. Konan var því færð á lögreglustöð, þar sem hún gaf að lokum upp nafn og kennitölu og var þá látin laus.

Um kl. 20 var bifreið ekið á mann á rafmagnshlaupahjóli í Hlíðahverfi en engin slys urðu á fólki. Bifreiðin var hins vegar töluvert skemmd og hjólið að líkindum líka, að sögn lögreglu.

Þá var bifreið stöðvuð við hraðamælingar á Bústaðavegi rétt eftir miðnætti en henni var ekið á 108 km/klst þar sem hámarkshraðinn er 60 km/klst. Ökumaðurinn er grunaður um ölvunarakstur.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×