Lífið

Fyrr­verandi um­boðs­maður Ray J segist eiga annað kyn­lífs­­mynd­band af Kim

Elma Rut Valtýsdóttir skrifar
Hollywood-spekingurinn Birta Líf fer yfir allt það helsta í Hollywood í Brennslutei vikunnar á þriðjudagsmorgnum. Í morgun sagði hún meðal annars frá umboðsmanni nokkrum sem segist eiga annað kynlífsmyndband af raunveruleikastjörnunni Kim Kardashian.
Hollywood-spekingurinn Birta Líf fer yfir allt það helsta í Hollywood í Brennslutei vikunnar á þriðjudagsmorgnum. Í morgun sagði hún meðal annars frá umboðsmanni nokkrum sem segist eiga annað kynlífsmyndband af raunveruleikastjörnunni Kim Kardashian. Samsett-Getty/Rodin Eckenroth

Hollywood-spekingurinn Birta Líf Ólafsdóttir fer yfir allt það helsta í Hollywood í Brennslutei vikunnar á þriðjudögum. Í þessari viku fer hún meðal annars yfir Emmy verðlaunin og þann orðróm að Justin Bieber eigi von á barni. Þá segir Birta einnig frá umboðsmanni nokkrum sem segist eiga annað kynlífsmyndband af raunveruleikastjörnunni Kim Kardashian.

Myndskeið af hjónunum Justin og Hailey Bieber hefur farið eins og eldur í sinu á samfélagsmiðlinum TikTok í vikunni. Um er að ræða myndband þar sem hjónin sjást stilla sér upp fyrir myndavélarnar á rauða dreglinum á Met Gala góðgerðarviðburðinum.

Á myndbandinu sést Justin leggja hönd sína á maga Hailey. Í kjölfarið má sjá Hailey taka hönd hans í burtu og hafa glöggir aðdáendur lesið af vörum hennar orðin „don't make it so obvious“ eða „ekki gera þetta svona augljóst“.

Hér má sjá Justin Bieber halda um kvið eiginkonu sinnar, Hailey Bieber á Met Gala góðgerðarviðburðinum.Getty/Dimitrios Kambouris

„Ég meina TikTok fann út að Kylie væri ólétt út frá nöglunum á henni, þannig þetta gæti alveg eins verið rétt sko,“ segir Birta Líf.

Hún tekur þó fram að seinna þetta sama kvöld hafi Hailey sést halda á tequila flösku en segir að það gæti einfaldlega hafa verið blekking.

„Hún hélt það fullkomlega á henni að miðinn sneri akkúrat fram þegar hún labbaði fram hjá ljósmyndurunum. Þannig þetta var rosalega út hugsað.“

Í Brennslutei vikunnar sagði Birta Líf einnig frá því að söngkonan Adele væri komin með nýjan kærasta. Hún ræðir Emmy verðlaunahátíðina sem haldin var í vikunni og vinsældir hnefaleika um þessar mundir.

Hér má sjá nýjan kærasta söngkonunnar Adele. Sá heitir Rich Paul og er umboðsmaður íþróttamanna á borð við LeBron James og Ben Simmons.Instagram/Adele

Stærsta „te“ vikunnar snýr þó að raunveruleikastjörnunni Kim Kardashian. Umboðsmaður sem kallar sig Wack 100 greindi frá því í hlaðvarpsviðtali í vikunni að hann ætti annað kynlífsmyndband af Kardashian og hennar fyrrverandi, tónlistarmanninum Ray J.

„Það var náttúrlega eitt sem kom út en hann segist eiga annað sem kom aldrei út. Hann er einmitt fyrrverandi umboðsmaður Ray J,“ útskýrir Birta.

Umboðsmaður þessi segist þó ekki ætla sér að leka myndbandinu en vill þó láta fyrrverandi eiginmann hennar, Kanye West hafa það. 

Hægt er að hlusta á Brennslute vikunnar með Birtu Líf í heild sinni hér að neðan.


Tengdar fréttir

Reiknaði út með­göngu­lengd Kyli­e Jenner út frá nöglunum hennar

Hollywood-spekingurinn Birta Líf Ólafsdóttir fer yfir allt það helsta í Hollywood í Brennslutei vikunnar á þriðjudögum. Í þessari viku fer hún meðal annars yfir dressin á Met Gala, trúlofun Britney Spears og drama á MTV tónlistarhátíðinni. Þá segir Birta einnig frá rannsóknarvinnu sem hún lagðist í til að reikna út meðgöngulengd Kylie Jenner.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.