Villa í ferðagjafaupplýsingum Mælaborðs ferðaþjónustunnar

Hólmfríður Gísladóttir skrifar 21. september 2021 08:03

Ferðagjöfin er fyrir alla landsmenn átján ára og eldri. Vísir/Vilhelm

Meinleg villa er í upplýsingum um ferðagjöfina fyrir árið 2020 en þar segir nú að sóttar ferðagjafir séu 360.792 talsins, þegar hámarksfjöldi „útgefinna“ ferðagjafa er í kringum 280.000.

Samkvæmt upplýsingum frá Mælaborði ferðaþjónustunnar virðist eitthvað misræmi hafa orðið þegar skipt var úr fyrri ferðagjöfinni í þá seinni. Þannig hefur fjöldi sóttra ferðagjafa fyrir árið 2020 haldið áfram að aukast á vefsíðunni þrátt fyrir að ferðagjafirnar séu útrunnar.

Þess ber að geta að allar upplýsingar fyrir ferðagjöfina árið 2021 stemma.

Allir þeir sem eru 18 ára og eldri og eiga lögheimili á Íslandi fá ferðagjöf en andvirði hennar eru 5.000 krónur.

Hámarksfjöldi „útgefinna“ ferðagjafa er í kringum 280.000.

Þegar ferðagjöf ársins 2020 rann út mánaðamótin maí/júní síðastliðin nam andvirði sóttra ferðagjafa 1,1 milljarði króna en um milljarður var nýttur. Sóttar ferðagjafir voru 226.248 talsins; 206.853 voru nýttar en aðeins 179.318 fullnýttar.

Ónotaðar ferðagjafir voru 19.395.

Ferðagjöfin 2021 rennur út um mánaðamótin; 30. september. Eins og sakir standa hafa aðeins 159.658 ferðagjafir verið sóttar af 280.000. Um 116 þúsund hafa verið notaðar og 98 þúsund fullnýttar.

Samkvæmt upplýsingum frá Mælaborði ferðaþjónustunnar var flestum ferðagjöfum varið hjá eftirfarandi fyrirtækjum síðustu helgi, það er að segja föstudag, laugardag og sunnudag:

Markaðsheiti	Upphæð
N1 - Þjónustustöð	2.156.184
Sky Lagoon	1.616.660
Olís	1.453.308
KFC - Kentucky Fried Chicken	1.419.767
FlyOver Iceland	1.358.502
Hlöllabátar	1.328.872
Icelandair hotels	1.202.971
Domino’s Pizza	982.309
Gleðiheimar ehf.	722.171
Borgarleikhúsið	713.882

Faraldur kórónuveiru (COVID-19) Ferðamennska á Íslandi Ferðalög

Tengdar fréttir

N1, Olís, Sky Lagoon og KFC vinsæl meðal handhafa ferðagjafarinnar

Alls hafa 128.892 Íslendingar sótt svokallaða ferðagjöf en 85.079 hafa verið notaðar og 70.778 fullnýttar. Samkvæmt mælaborði ferðaþjónustunnar nemur upphæð notaðra gjafa 411 milljónum króna.

2. september 2021 07:01

80 milljónir króna notaðar á síðasta degi ferðagjafarinnar 2020

Í gær var 15.691 ferðagjöf nýtt, þar af 14.741 að fullu. Heildarupphæð gjafanna sem nýttar voru í gær nam um 80 milljónum króna.

1. júní 2021 10:55

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.