80 milljónir króna notaðar á síðasta degi ferðagjafarinnar 2020

Hólmfríður Gísladóttir skrifar 1. júní 2021 10:55

Bensínstöðvarnar nutu góðs af dreggjum ferðagjafarinnar í gær en matsölustaðir ekki síður.

Í gær var 15.691 ferðagjöf nýtt, þar af 14.741 að fullu. Heildarupphæð gjafanna sem nýttar voru í gær nam um 80 milljónum króna.

Ferðagjafir ársins 2020 runnu út í gær en í dag ættu landsmenn að fá nýja ferðagjöf, að verðmæti 5.000 krónur, sem gildir út september 2021.

Samkvæmt uppgjöri Mælaborðs ferðaþjónustunnar nam andvirði sóttra ferðagjafa 1,1 milljarði króna en um milljarður var nýttur. Sóttar ferðagjafir voru 226.248 talsins, 206.853 voru nýttar en aðeins 179.318 fullnýttar.

Ónotaðar ferðagjafir voru 19.395.

Vísir greindi frá því í gær að ferðagjafahafar hefðu helst verslað við FlyOver Iceland, N1, Olíuverzlun Íslands, KFC og Íslandshótel.

Í gær var þó áberandi að fólk nýtti ferðagjöfina til að kaupa mat á veitingastöðum og efstu fyrirtækin á lista fengu 40 milljónir af þeim 80 milljónum sem notaðar voru í gær.

N1 - 13,8 milljónir
Olíverzlun Íslands - 7,8 milljónir
Hlöllabátar - 4,5 milljónir
KFC - 4,2 milljónir
FlyOver Iceland - 3 milljónir
Pizza Pizza (Domino's) - 2,5 milljónir
Hraðlestin - 1,1 milljón
Flugleiðahótel - 1 milljón
K6 veitingar - 841 þúsund
Nings - 765 þúsund

K6 rekur staðina RUB23, Bautann, Pizzasmiðjuna og Sushi Corner.

Þess ber að geta að um er að ræða einstaka kennitölur, þannig að keðjur sem reka staði á ólíkum kennitölum kunna að hafa verið vinsælli en listinn bendir til.

Mælaborð ferðaþjónustunnar.

Hér má nálgast upplýsingar um ferðagjöfina 2021.

Ferðamennska á Íslandi Faraldur kórónuveiru (COVID-19)

Tengdar fréttir

FlyOver Iceland, bensínstöðvarnar og KFC vinsæl meðal ferðagjafahafa

FlyOver Iceland var það fyrirtæki sem hagnaðist mest á ferðagjöfinni svokölluðu en KFC reyndist vinsælasti matsölustaðurinn meðal ferðagjafareigenda. Frestur til að nýta ferðagjöf ársins 2020 rennur út á morgun en þá fá landsmenn nýja ferðagjöf sem gildir út ágúst.

31. maí 2021 07:08

Um hundrað þúsund ónýttar ferðagjafir renna út á þriðjudag

Nú fer hver að verða síðastur að nýta ferðagjöf sína sem gefin var út í fyrrasumar. Ferðagjöfin rennur út um mánaðamótin, á þriðjudaginn eftir fimm daga, og enn eiga um hundrað þúsund Íslendingar eftir að nota sína gjöf.

27. maí 2021 12:47

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.