Erlent

101 árs humar­veiði­kempa hvergi nærri hætt

Þorgils Jónsson skrifar
Virginia Oliver er 101 árs gömul og hefur sótt humarmiðin undan ströndum Maine síðan á millistríðsárunum. Hún lætur engan bilbug á sér finna og ætlar að róa á meðan hún getur.
Virginia Oliver er 101 árs gömul og hefur sótt humarmiðin undan ströndum Maine síðan á millistríðsárunum. Hún lætur engan bilbug á sér finna og ætlar að róa á meðan hún getur.

Virginia Oliver lætur engan bilbug á sér finna þrátt fyrir að vera orðin 101 árs gömul og rær enn til humarveiða undan ströndum Maine-ríkis í Bandaríkjunum, ásamt syni sínum, Max að nafni, sem er 78 ára.

Virginia hefur sinnt gildrunum sínum í yfir níu áratugi, frá því að hún var einungis átta ára gömul, og hefur ekki í hyggju að setjast í helgan stein alveg strax. Hún hefur þó áhuga á stöðu humarstofnsins sem hún segir líða fyrir mikla sjósókn á svæðinu.

„Ég hef stundað þetta allt mitt líf og fer ekki að hætta núna,“ segir frúin í samtali við fréttastofu AP.

Humarbransinn hefur tekið miklum stakkaskiptum síðan Virginia steig fyrst á skipsfjöl. Humar var lengi álitinn verkamannamatur, en er núna mikill munaður, og gildrurnar í dag eru gerðar úr vírneti, en áður voru þær úr tré.

Þrátt fyrir að hafa lifað og hrærst í humrinum allt sitt líf segist hún enn kunna að meta góða humarmáltíð og ætlar að halda áfram að róa á meðan hún getur.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.