Formanninum krossbrá þegar hann sá umdeilda Facebook-færslu Sigurðar G Jakob Bjarnar og Hallgerður Kolbrún E. Jónsdóttir skrifa 6. september 2021 11:56 Sigurður Örn Hilmarsson, formaður Lögmannafélags Íslands telur birtingu Sigurðar G. Guðjónssonar hæstaréttarlögmanns á myndum upp úr lögregluskýrslum vafasamar. En Sigurður G. fær ekki séð að tjáning hans sé á gráu svæði. samsett/vísir Sigurði Erni Hilmarssyni, formanni Lögmannafélags Íslands, brá beinlínis þegar hann sá ljósmyndir sem Sigurður G. Guðjónsson hæstaréttarlögmaður birti en þar má sjá brot úr lögregluskýrslu þar sem fjallað er um mál þeirra Þórhildar Gyðu Arnarsdóttur og Kolbeins Sigþórssonar knattspyrnumanns. „Mér var sjálfum mjög brugðið þegar ég las þetta í morgun og fæ ekki skilið hvernig lögmanni getur dottið í hug að birta lögregluskýrslur eða viðkvæm gögn úr sakamálarannsókn á samfélagsmiðlum,“ segir Sigurður Örn í samtali við fréttastofu. Æj, pabbi! Sigurður G. Guðjónsson birti myndirnar í gærkvöldi á Facebook-síðu sinni og með fylgdu orð þar sem hann gagnrýndi það hvernig mál hafa þróast varðandi KSÍ; hann telur framburð Þórhildar Gyðu ótrúverðugan. Færsla hans sem og myndbirting hefur vakið mikla athygli, á þriðja hundrað athugasemdir hafa verið settar fram þar sem ýmsir telja afstöðu lögmannsins ósmekklega og hann sakaður um drusluskömmun. Meðal þeirra sem leggja orð í belg er dóttir hans, Edda Sif, sem segir þessa færslu hvorki honum né málstað Kolbeins til framdráttar. Hún spyr hvað það komi málinu við hverja stúlkan hefur valið að kyssa, sofa hjá og segja frá ? „Og trúðu mér það er ekkert óvanalegt að hún leiti ekki til læknis strax - ég er ekki enn farin 15 árum eftir atvik í mínu lífi.“ Edda Sif segir færslu Sigurðar ekki í nokkrum takti við það hvern mann hann hafi að geyma og vont ef fólk fer að telja hann kvenhatara. Ég held þú ættir að endurskoða þessa færslu og setja fram á þann hátt sem sæmir þér,“ segir Edda Sif sem hefur fengið miklar undirtektir við sínum ákúrum. Segir þetta ekki eiga erindi á samfélagsmiðla Sigurður Örn, formaður félagsins, segir í samtali við Vísi vert að geta þess, í þessu sambandi, að lögmenn gegni margskonar skyldum, bæði gagnvart skjólstæðingi sínum, gagnaðilum og réttarkerfinu sjálfu þar sem þeir starfa. „Ég þekki annars ekki til þessa máls og réttlætingarástæður fyrir svona birtingu eru vandfundnar en sjálfum þykir mér þetta einstaklega ósmekklegt. Á vettvangi lögmannafélagsins starfar sjálfstæð úrskurðarnefnd sem hefur það hlutverk að leysa úr svona málum og þeir sem telja á sér brotið geta leitað þangað,“ segir Sigurður Örn. Sigurður Örn Hilmarsson furðar sig á Facebookfærslu Sigurðar G. svo mjög að honum krossbrá þegar hann las hana í morgun.aðsend Hann segir jafnframt það svo að lögmenn beri ríka trúnaðar- og þagnarskyldu sem gildir með hvaðeina sem þeir verða áskynja og þurfa að gæta að henni í allri sinni tjáningu. Hann segist ekki þekkja hver aðkoma Sigurðar G. Guðjónssonar er að þessu máli né heldur af hverju hann er með þessi gögn undir höndum. „Í öllu falli fæ ég ekki séð að svona lagað eigi erindi á samfélagsmiðla, hvað þá fyrir atbeina lögmanns,“ segir Sigurður Örn. Þekkir þessa ormagryfju Sigurður G. Guðjónsson segir þetta skoðun formannsins. Sjálfum finnst honum birting upp úr lögregluskýrslum ekki á gráu svæði, ekki í sjálfu sér. „Að sannleikurinn komi í ljós? Nei. Ég sé ekki nokkurn mun á því að lögmaður segi frá því eða blaðamaður. Auk þess er ég ekki lögmaður neins aðila í þessu máli. Og hlýt að hafa mínar heimildir til að tjá mig persónulega eins og allir aðrir í samfélaginu,“ segir Sigurður og vísar til stjórnarskrár hvar tjáningarfrelsi hans er varið. Sigurður G Guðjónsson, lögmaður. Hann segist ekki hafa farið yfir athugasemdir sem fallið hafa á Facebookvegg hans eftir að hann birti hina umdeildu færslu, hann hafi verið of upptekinn.vísir/friðrik Þór En er þetta ekkert vafasamt til dæmis að teknu tilliti til þess að þú gegnir trúnaðarstörfum fyrir KSÍ? „Ég hef enga stöðu þar nema ég er formaður áfrýjunarnefndar KSÍ sem kemur ekkert að daglegum málum heldur fjallar eingöngu um brot leikmanna og starfsmanna á reglum sambandsins. Menn geta velt fyrir sér, hvort ég sé á bandi stjórnarinnar en við höfum þurft að taka á málum sem tengjast stjórn KSÍ; oft sett ofan í við aganefndina og fleiri.“ Sigurður segist hafa starfað fyrir þessi samtök í þrjátíu ár, kosinn af knattspyrnuþingi og ef hann verður ekki kosinn næst þá trufli það sig ekki. Hann segist spurður ekki hafa haft svigrúm til að lesa þær athugasemdir sem fallið hafa á Facebook-vegg hans. En þær þurfi ekki að koma á óvart: „Ég þekki þessa ormagryfju.“ Landsliðsmenn sakaðir um kynferðisofbeldi Persónuvernd Lögreglumál KSÍ Samfélagsmiðlar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Krefjast skýringa á brotthvarfi Maríu Sigrúnar Innlent Halla Hrund mælist með mest fylgi allra frambjóðenda Innlent Mótmælendur fengu óvæntan liðstyrk frá Hollywood Innlent Landsréttur komi fram við ákæruvaldið eins og lítið barn Innlent Ætlar í aðra undirskriftasöfnun Innlent Húsráðendum tókst að ráða niðurlögum elds í þakskyggni Innlent „Ef ég get flogið þremur gerðum af þyrlum þá get ég tekið ákvörðun fyrir þjóðina“ Innlent Veisluhöld forseta séu barns síns tíma Innlent María Sigrún látin fara úr Kveik Innlent Svona var Pallborðið með Arnari Þór, Ásdísi Rán og Ástþóri Innlent Fleiri fréttir Krefjast skýringa á brotthvarfi Maríu Sigrúnar Veisluhöld forseta séu barns síns tíma Húsráðendum tókst að ráða niðurlögum elds í þakskyggni Landsréttur komi fram við ákæruvaldið eins og lítið barn Mannasættir sem óttist ekki að standa í fæturnar Mótmælendur fengu óvæntan liðstyrk frá Hollywood Ráðherra reiðubúin að vinna með atvinnuveganefnd að breytingum Vill skipa í ríkissjórn eftir eigin höfði Halla Hrund mælist með mest fylgi allra frambjóðenda Mikil tíðindi í glænýrri könnun Ástþór sannfærður um að verða sjöundi forsetinn Refsing fyrir að nauðga stjúpdóttur æskuvinar þyngd Ætlar í aðra undirskriftasöfnun Hjúkrunarfræðingurinn ekki laus allra mála enn Trúnaðarsamtöl við forsætisráðherra lykilatriði Sprakk úr hlátri „Ísdrottningin myndi bráðna ef hér kæmi kjarnorkusprengja“ Með hundruð sjálfboðaliða í liði sínu Samskiptaleysi meðal lögreglumanna olli því að fólk var sektað Verði ekki meðvirk frekar en Ólafur Ragnar Rifjaði upp þegar forsetinn bjargaði landinu Skemmdarvargar á eftir útilistaverkum eftir Einar Jónsson Krafturinn í gosinu gæti aukist verulega haldi kvikusöfnun áfram Þrettánda nafnið bætist við Fimm af tólf skiluðu einungis rafrænum meðmælum Gylfi leiðir samhæfingu vegna Grindavíkur María Sigrún látin fara úr Kveik Viktor stal senunni: Hefði ekki haft tíma til að safna ef hann væri í vinnu Forsetaefni streymdu í Hörpu Svona var Pallborðið með Arnari Þór, Ásdísi Rán og Ástþóri Sjá meira
„Mér var sjálfum mjög brugðið þegar ég las þetta í morgun og fæ ekki skilið hvernig lögmanni getur dottið í hug að birta lögregluskýrslur eða viðkvæm gögn úr sakamálarannsókn á samfélagsmiðlum,“ segir Sigurður Örn í samtali við fréttastofu. Æj, pabbi! Sigurður G. Guðjónsson birti myndirnar í gærkvöldi á Facebook-síðu sinni og með fylgdu orð þar sem hann gagnrýndi það hvernig mál hafa þróast varðandi KSÍ; hann telur framburð Þórhildar Gyðu ótrúverðugan. Færsla hans sem og myndbirting hefur vakið mikla athygli, á þriðja hundrað athugasemdir hafa verið settar fram þar sem ýmsir telja afstöðu lögmannsins ósmekklega og hann sakaður um drusluskömmun. Meðal þeirra sem leggja orð í belg er dóttir hans, Edda Sif, sem segir þessa færslu hvorki honum né málstað Kolbeins til framdráttar. Hún spyr hvað það komi málinu við hverja stúlkan hefur valið að kyssa, sofa hjá og segja frá ? „Og trúðu mér það er ekkert óvanalegt að hún leiti ekki til læknis strax - ég er ekki enn farin 15 árum eftir atvik í mínu lífi.“ Edda Sif segir færslu Sigurðar ekki í nokkrum takti við það hvern mann hann hafi að geyma og vont ef fólk fer að telja hann kvenhatara. Ég held þú ættir að endurskoða þessa færslu og setja fram á þann hátt sem sæmir þér,“ segir Edda Sif sem hefur fengið miklar undirtektir við sínum ákúrum. Segir þetta ekki eiga erindi á samfélagsmiðla Sigurður Örn, formaður félagsins, segir í samtali við Vísi vert að geta þess, í þessu sambandi, að lögmenn gegni margskonar skyldum, bæði gagnvart skjólstæðingi sínum, gagnaðilum og réttarkerfinu sjálfu þar sem þeir starfa. „Ég þekki annars ekki til þessa máls og réttlætingarástæður fyrir svona birtingu eru vandfundnar en sjálfum þykir mér þetta einstaklega ósmekklegt. Á vettvangi lögmannafélagsins starfar sjálfstæð úrskurðarnefnd sem hefur það hlutverk að leysa úr svona málum og þeir sem telja á sér brotið geta leitað þangað,“ segir Sigurður Örn. Sigurður Örn Hilmarsson furðar sig á Facebookfærslu Sigurðar G. svo mjög að honum krossbrá þegar hann las hana í morgun.aðsend Hann segir jafnframt það svo að lögmenn beri ríka trúnaðar- og þagnarskyldu sem gildir með hvaðeina sem þeir verða áskynja og þurfa að gæta að henni í allri sinni tjáningu. Hann segist ekki þekkja hver aðkoma Sigurðar G. Guðjónssonar er að þessu máli né heldur af hverju hann er með þessi gögn undir höndum. „Í öllu falli fæ ég ekki séð að svona lagað eigi erindi á samfélagsmiðla, hvað þá fyrir atbeina lögmanns,“ segir Sigurður Örn. Þekkir þessa ormagryfju Sigurður G. Guðjónsson segir þetta skoðun formannsins. Sjálfum finnst honum birting upp úr lögregluskýrslum ekki á gráu svæði, ekki í sjálfu sér. „Að sannleikurinn komi í ljós? Nei. Ég sé ekki nokkurn mun á því að lögmaður segi frá því eða blaðamaður. Auk þess er ég ekki lögmaður neins aðila í þessu máli. Og hlýt að hafa mínar heimildir til að tjá mig persónulega eins og allir aðrir í samfélaginu,“ segir Sigurður og vísar til stjórnarskrár hvar tjáningarfrelsi hans er varið. Sigurður G Guðjónsson, lögmaður. Hann segist ekki hafa farið yfir athugasemdir sem fallið hafa á Facebookvegg hans eftir að hann birti hina umdeildu færslu, hann hafi verið of upptekinn.vísir/friðrik Þór En er þetta ekkert vafasamt til dæmis að teknu tilliti til þess að þú gegnir trúnaðarstörfum fyrir KSÍ? „Ég hef enga stöðu þar nema ég er formaður áfrýjunarnefndar KSÍ sem kemur ekkert að daglegum málum heldur fjallar eingöngu um brot leikmanna og starfsmanna á reglum sambandsins. Menn geta velt fyrir sér, hvort ég sé á bandi stjórnarinnar en við höfum þurft að taka á málum sem tengjast stjórn KSÍ; oft sett ofan í við aganefndina og fleiri.“ Sigurður segist hafa starfað fyrir þessi samtök í þrjátíu ár, kosinn af knattspyrnuþingi og ef hann verður ekki kosinn næst þá trufli það sig ekki. Hann segist spurður ekki hafa haft svigrúm til að lesa þær athugasemdir sem fallið hafa á Facebook-vegg hans. En þær þurfi ekki að koma á óvart: „Ég þekki þessa ormagryfju.“
Landsliðsmenn sakaðir um kynferðisofbeldi Persónuvernd Lögreglumál KSÍ Samfélagsmiðlar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Krefjast skýringa á brotthvarfi Maríu Sigrúnar Innlent Halla Hrund mælist með mest fylgi allra frambjóðenda Innlent Mótmælendur fengu óvæntan liðstyrk frá Hollywood Innlent Landsréttur komi fram við ákæruvaldið eins og lítið barn Innlent Ætlar í aðra undirskriftasöfnun Innlent Húsráðendum tókst að ráða niðurlögum elds í þakskyggni Innlent „Ef ég get flogið þremur gerðum af þyrlum þá get ég tekið ákvörðun fyrir þjóðina“ Innlent Veisluhöld forseta séu barns síns tíma Innlent María Sigrún látin fara úr Kveik Innlent Svona var Pallborðið með Arnari Þór, Ásdísi Rán og Ástþóri Innlent Fleiri fréttir Krefjast skýringa á brotthvarfi Maríu Sigrúnar Veisluhöld forseta séu barns síns tíma Húsráðendum tókst að ráða niðurlögum elds í þakskyggni Landsréttur komi fram við ákæruvaldið eins og lítið barn Mannasættir sem óttist ekki að standa í fæturnar Mótmælendur fengu óvæntan liðstyrk frá Hollywood Ráðherra reiðubúin að vinna með atvinnuveganefnd að breytingum Vill skipa í ríkissjórn eftir eigin höfði Halla Hrund mælist með mest fylgi allra frambjóðenda Mikil tíðindi í glænýrri könnun Ástþór sannfærður um að verða sjöundi forsetinn Refsing fyrir að nauðga stjúpdóttur æskuvinar þyngd Ætlar í aðra undirskriftasöfnun Hjúkrunarfræðingurinn ekki laus allra mála enn Trúnaðarsamtöl við forsætisráðherra lykilatriði Sprakk úr hlátri „Ísdrottningin myndi bráðna ef hér kæmi kjarnorkusprengja“ Með hundruð sjálfboðaliða í liði sínu Samskiptaleysi meðal lögreglumanna olli því að fólk var sektað Verði ekki meðvirk frekar en Ólafur Ragnar Rifjaði upp þegar forsetinn bjargaði landinu Skemmdarvargar á eftir útilistaverkum eftir Einar Jónsson Krafturinn í gosinu gæti aukist verulega haldi kvikusöfnun áfram Þrettánda nafnið bætist við Fimm af tólf skiluðu einungis rafrænum meðmælum Gylfi leiðir samhæfingu vegna Grindavíkur María Sigrún látin fara úr Kveik Viktor stal senunni: Hefði ekki haft tíma til að safna ef hann væri í vinnu Forsetaefni streymdu í Hörpu Svona var Pallborðið með Arnari Þór, Ásdísi Rán og Ástþóri Sjá meira