Innlent

Uppfært: Guðni er hættur sem for­­maður KSÍ

Árni Sæberg og Elísabet Inga Sigurðardóttir skrifa
Guðni hefur sagt af sér.
Guðni hefur sagt af sér. mynd/skjáskot

Allir starfsmenn KSÍ hafa verið boðaðir á fund klukkan fjögur í dag. Þetta staðfestir Klara Bjartmarz, framkvæmdastjóri sambandsins í samtali við fréttastofu. Vísir verður með beina útsendingu frá höfuðstöðvum KSÍ á Laugardalsvelli.

Aðspurð gat Klara ekki gefið fréttastofu upplýsingar um erindi fundarins en ætla má að ofbeldismál verði til umræðu.

Hanna Björg Vilhjálmsdóttir kynjafræðikennari og Steinunn Gyðu- og Guðjónsdóttir sátu klukkustundarlangan fund með fulltrúum stjórnar KSÍ. Þeim fundi lauk um klukkan 16. 

Hanna Björg segir í samtali við Vísi að fundurinn hafi verið mjög góður. Hún hafi fengið boð á fund, hún komist og þar hafi bæði verið hlustað á hana og hún hlustað. 

Borghildur Sigurðardóttir varaformaður KSÍ og Ragnhildur Skúladóttir, aðalmaður í stjórn, sátu fundinn með þeim Hönnu og Steinunni.

Stjórn KSÍ hefur fundað frá klukkan tíu í morgun. Sannkallaður maraþonfundur var hjá stjórninni í gær um ofbeldismál sem stóð með hléum frá hádegi fram til kvölds.

Ekki hefur náðst í Guðna Bergsson, formann KSÍ, í dag þrátt fyrir ítrekaðar tilraunir fréttastofu en hann sagði í gær að yfirlýsingar væri að vænta frá stjórninni í dag.

Kynferðisofbeldi KSÍ Fótbolti Landsliðsmenn sakaðir um kynferðisofbeldi
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira
×

Mest lesið