Viðskipti innlent

Tekjur Ís­lendinga: Tekjur for­stjóra allt að 36 milljónir króna á mánuði

Eiður Þór Árnason skrifar
Tölurnar byggjast á útsvarsstofni samkvæmt álagningarskrá.
Tölurnar byggjast á útsvarsstofni samkvæmt álagningarskrá. Samsett

Árni Oddur Þórðarson, forstjóri Marels og Árni Harðarson, forstjóri Salt Investments raða sér í efstu sæti á lista Frjálsrar verslunar yfir tekjuhæstu forstjóra fyrirtækja í fyrra. Sá fyrrnefndi var að jafnaði með 35,94 milljónir króna í útsvarsskyldar tekjur á mánuði og nafni hans með góða 26,31 milljón í mánaðartekjur.

Næst á eftir kemur Tómas Már Sigurðsson, forstjóri HS Orku, með 19,93 milljónir og Rupert John Horrocks, framkvæmdastjóri Kaupþings ehf. með rúmlega 19,53 milljónir króna í mánaðartekjur. Í fimmta sæti kemur Grímur Karl Sæmundsson, forstjóri Bláa lónsins með 17,83 milljónir.

Karlmenn eru ríkjandi á listanum en efst kvenna er Rannveig Rist, forstjóri Rio Tinto á Íslandi í þrettánda sæti með 7,52 milljónir króna. Næst kvenna er Jonghee Kim, forstjóri lyfjasölufyrirtækisins Medis, í nítjánda sæti listans með 6,21 milljón. Átta konur komast á lista Frjálsrar verslunar yfir 50 tekjuhæstu forstjóra fyrirtækja. 

Tekjublað Frjálsrar verslunar kom út í dag en rétt er að árétta að um er að ræða útsvarsskyldar tekjur á árinu 2020 og þurfa þær ekki að endurspegla föst laun viðkomandi. Munurinn getur falist í launum fyrir setu í nefndum og önnur aukastörf og hlunnindi vegna kaupréttarsamninga. Í launum sumra kann að vera falinn bónus vegna ársins 2019 sem var greiddur árið 2020.

Miðað er við útsvarsstofn samkvæmt álagningarskrá en í tölunum eru ekki fjármagnstekjur, til dæmis af vöxtum, arði eða sölu hlutabréfa. Sleppt er skattfrjálsum dagpeningum, bílastyrkjum og greiðslum í lífeyrissjóði. Þá ber að hafa í huga að inn í tekjunum geta líka verið einskiptisgreiðslur vegna úttektar á séreignasparnaði hjá lífeyrissjóði.



Tekjuhæstu forstjórar fyrirtækja í Tekjublaði Frjálsrar verslunar

  1. Árni Oddur Þórðarson, forstj. Marels – 35.944 þúsund
  2. Árni Harðarson, forstj. Salt Investments – 26.305 þúsund
  3. Tómas Már Sigurðsson, forstj. HS Orku – 19.926 þúsund
  4. Rupert John Horrocks, frkvstj. Kaupþing ehf. – 19.527 þúsund
  5. Grímur Karl Sæmundsen, forstj. Bláa Lónsins – 17.828 þúsund
  6. Hjalti Baldursson, frkvstj. Bókunar – 14.631 þúsund
  7. Magnús Steinarr Norðdahl, forstj. LS Retail – 13.301 þúsund
  8. Haraldur Líndal Pétursson, frkvstj. Johan Rönning - 12.213 þúsund
  9. Kári Stefánsson, forstj. Íslenskrar erfðagreiningar – 8.851 þúsund
  10. Guðmundur Þóroddsson, forstj. ReykjavíkGeothermal – 8.344 þúsund
Tekjur

Tengdar fréttir

Tekjur Íslendinga: Onlyfans-stjarna er tekjuhæsti áhrifavaldurinn

Samkvæmt Tekjublaði Frjálsrar Verslunar sem kom út í dag þénaði Klara Sif Magnúsdóttir rúmlega eina milljón króna á mánuði árið 2020. Helsta tekjulind Klöru Sifjar er vefsíðan Onlyfans, en hún selur áskrifendum sínum aðgang að erótísku efni í gegnum síðuna.

Tekjur Íslendinga: Hafþór Júlíus mokaði inn milljónum

Aflraunamaðurinn Hafþór Júlíus Björnsson þénaði hátt í tíu milljónir króna á mánuði á síðasta ári og var langtekjuhæstur í hópi íþróttamanna og þjálfara á Íslandi, samkvæmt tekjublaði Frjálsrar verslunar.

Segja Árna með 150 milljónir í laun, ekki 200

Vegna mannlegra mistaka og tvítalningar var Árni Oddur Þórðarson, forstjóri Marels, sagður vera með hærri laun í nýbirtum ársreikningi félagsins en hann var með í raun og veru - að sögn Marels.



Mest lesið


Fleiri fréttir

Sjá meira


×

Mest lesið