Bein útsending: Kvöldfréttir Stöðvar 2

Samúel Karl Ólason skrifar 27. júlí 2021 18:00

Kvöldfréttir hefjast á samtengdum rásum Stöðvar 2, Bylgjunnar og Vísis á slaginu 18:30. Vísir

Í kvöldfréttum förum við ítarlega yfir stöðuna í kórónuveirufaraldrinum en aldrei hafa fleiri greinst smitaðir af veirunni á einum degi og í dag, eða hundrað tuttugu og þrír innanlands og tveir á landamærunum.

Fjármálaráðherra og forstjóri Íslenskrar erfðagreiningar eru sammála um að næsta vika eða tíu dagar hafi mikil áhrif á framhald aðgerða, sem ráðist af því hvort fullbólusettir sem smitist veikist mikið og þurfi á sjúkrahúsinnlögn að halda eða ekki.

Forsætisráðherra segir þó að það sé matsatriði hvort það geri stjórnvöldum kleift að aflétta aftur öllum takmörkunum.

Þá sýnum við frá yfirheyrslum fyrir rannsóknarnefnd fulltrúadeildar Bandaríkjaþings sem hófust í dag vegna innrásar stuðningsmanna Donalds Trump í þinghúsið hinn 6. janúar.

Þetta og fleira á samtengdum rásum Bylgjunnar og Stöðvar 2 klukkan hálf sjö.

Kvöldfréttir Stöðvar 2

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.