Tveir bílar skullu saman á Mývatnsöræfum

Samúel Karl Ólason og Elma Rut Valtýsdóttir skrifa 16. júlí 2021 16:34

Átta manns voru í bílunum tveimur og hafa allir verið fluttir á slysadeild, þó með minniháttar áverka. Aðsend

Tveir bílar skullu saman á Mývatnsöræfum í dag. Átta munu hafa verið í bílunum en við fyrstu fregnir virðist slysið ekki hafa verið eins alvarlegt og talið var í fyrstu.

Slysið varð þegar tvær bifreiðar skullu framan á hvora aðra. Allir átta farþegarnir hafa verið fluttir á sjúkrahús til aðhlynningar. Ekki er þó talið að um alvarlega áverka hafi verið að ræða.

Talsvert tjón er þó á bifreiðunum tveimur.

Lögregluþjónar og slökkviliðsmenn eru enn við vinnu á vettvangi en slysið varð á fjórða tímanum í dag.

Slysið varð nánar tiltekið á hringveginum, skammt austan við Námaskarð. Þeir sem eru á ferð um svæðið geta búist við töfum næstu eina og hálfa klukkustundina. Samkvæmt lögreglu er hægt að hleypa bílum í gegnum slysstaðinn meðan vinnan stendur yfir en það gengur hægt.

Fréttin var uppfærð klukkan 17:52. Upphaflega var talað um sjö farþega, en rétt er að þeir voru átta.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.