Innlent

Manni bjargað úr sjálfheldu á hálendinu

Árni Sæberg skrifar
Slysavarnafélagið Landsbjörg
Slysavarnafélagið Landsbjörg

Björgunarsveitarmenn frá björgunarsveitinni Stefáni á Mývatni ásamt landvörðum Vatnajökulsþjóðgarðs voru ræstir út laust fyrir klukkan fjögur í dag þegar maður í sjálfheldu við Öskju virkjaði neyðarhnapp sinn.

Í tilkynningu frá slysavarnafélaginu Landsbjörg segir að viðbragðsaðilar hafi komið að manninum um klukkan átta í kvöld. Mikill snjór er á svæðinu svo bílar þeirra komust ekki að vettvangi. Því þurfti að nota gönguskíði og vélsleða til að komast að manninum.

Maðurinn var fluttur með vélsleða að jeppa sem mun síðan flytja hann á sjúkrahús til læknisskoðunar. Það er gert í öryggisskyni enda virðist við fyrstu sýn lítið ama að manninum. Reiknað er með að maðurinn verði kominn á sjúkrahús undir miðnætti.

Björgunarsveitir Skútustaðahreppur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið