Þegar vandamálin heima fyrir hafa áhrif á vinnuna

Rakel Sveinsdóttir skrifar 7. júlí 2021 07:00

Það getur tekið á að standa sína pligt sem foreldri og sem starfsmaður þegar eitthvað bjátar á. Til dæmis í hjónabandinu, áhyggjur af unglingum eða veikum foreldrum og svo framvegis. Vísir/Getty

Það skal enginn halda það að annað fólk fari í gegnum lífið án þess að alls kyns áskoranir geti komið upp heima fyrir. Þessar áskoranir geta verið af öllum toga og oft tekið á. Allt frá því að hafa áhyggjur af krökkunum, hjónabandinu eða hreinlega foreldrunum. Veikindi geta komið upp hjá vinum og vandamönnum, langvarandi og alvarleg eða bara að amma gamla fór í mjöðminni og þarf tímabundna hjálp.

Að aðskilja einkalífið og vinnuna getur oft verið ansi flókið.

Sérstaklega þegar að málin eru að taka á okkur andlega. Tilfinningarnar í rússíbana og við hreinlega búin með alla orku.

Þegar að svona er ástatt, er oft ágætt að láta yfirmanninn vita. Staðreyndin er hins vegar sú að oft veigrar fólk sér við því að láta vita.

En hvað geta stjórnendur gert og hvernig er réttast að þeir bregðist við þegar vandamál heima fyrir eru að hafa áhrif á vinnu starfsfólks?

Í umfjöllun Harvard Business Review eru gefin nokkur góð ráð.

Það sem stjórnendur eiga EKKI að gera:

Stjórnendur eiga að vera til staðar en ekki að gera sjálfan sig að einhvers konar ráðgjafa. Nánast eins og sálfræðing eða besta vin til að ræða við.
Ekki gefa loforð um til dæmis svigrúm, frí eða að létta á viðkomandi verkefnum EF það er ekki hægt að standa við þessi loforð.
Ekki styðja meira við suma starfsmenn en aðra. Jafnræði þarf að vera á milli starfsfólks þegar aðstæður koma upp og því er gott að taka ákvarðanir miðað við að sambærilegar aðstæður gætu komið upp hjá öðrum starfsmanni síðar: Hvernig ætlar þú þá að bregðast við?

Það sem mælt er með að stjórnendur GERI:

Leggðu línurnar og gefðu tóninn þótt engin krísa sé í gangi. Teymið þitt þarf að vita að þú sért til staðar ef einhver mál heiman frá þarf að ræða. Þegar vinnustaðamenningin er þess eðlis að fólk þorir að ræða hlutina opinskátt, eru stjórnendur oftar í þeirri stöðu að geta áttað sig á hlutunum fyrr en ella og þá án þess að staðan heima fyrir sé farin að hafa áhrif á vinnuna.
Hugsaðu í lausnum og út fyrir boxið ef þess er þarf. Stundum kalla aðstæður til dæmis á það að starfsmaður þarf að skreppa oft eða vera fjarverandi, til dæmis vegna þess að ástvinur er að mæta til læknis, í viðtöl eða annað. Ein leiðin til að mæta þessu gæti verið að ræða aukinn sveigjanleika í vinnutíma á meðan ástandið varir.
Fylgstu með stöðunni hjá starfsmanninum reglulega en þó án þess að vera of mikið inn í öllu eða eins og til að njósna eða pressa á að tímabili fari að ljúka.

Góðu ráðin Vinnustaðamenning Stjórnun Fjölskyldumál

Tengdar fréttir

Jafnræði heima fyrir en ekki vitlaust að setja sér reglur og mörk

Við tölum oft um jafnvægi heimilis og vinnu, veltum fyrir okkur hvort vinnustaðir teljist fjölskylduvænir, hvort jafnræði ríki á milli kvenna og karla í uppeldis- og heimilisverkum og mikilvægi styttingu vinnuvikunnar. En hvað segja ungu foreldrarnir sjálfir sem stunda fulla vinnu, samhliða því að ala upp ung börn, byggja upp heimili, láta sig umhverfismálin varða og lifa á tímum samfélagsmiðla?

12. maí 2021 07:00

35 prósent starfsfólks á Íslandi í basli með líf sitt

„Einna áhugaverðast er að rannsóknir tengdar bókinni styðja það enn og aftur að ein áhrifaríkasta leiðin til skapa heilbrigt starfsumhverfi og hafa jákvæð áhrif á starfsfólk er að gefa fólki tækifæri til að vaxa og nýta styrkleika sína í starfi, að sinna verkefnum sem því fellur vel að inna af hendi og hæfileikar þess nýtast,“ segir Marta Gall Jörgensen sérfræðingur hjá Gallup um nýútkomna bók, Wellbeing at Work: How to Build Resilient and Thriving Teams, eftir Jim Clifton stjórnarformann og framkvæmdastjóra Gallup á heimsvísu og Jim Harter, yfirrannsóknarstjóra.

7. maí 2021 07:01

„Vera frábær mamma, standa sig vel í vinnunni og helst hafa tíu áhugamál“

24. mars 2021 07:01

Þjálfa starfsfólk í að þekkja streitueinkennin og gera reglulegar mælingar

„Allir starfsmenn og stjórnendur fá reglulega fræðslu um helstu einkenni streitu, viðbrögð og úrræði, sem er mjög mikilvæg forvörn,“ segir Ágústa Björg Bjarnadóttir, forstöðumaður mannauðs hjá Sjóvá um hvernig fyrirtækið vinnur markvisst gegn kulnun starfsfólks. Sjóvá er í góðu samstarfi við Streituskólann og Hugarheim, sem Ágústa segir hafa gefist mjög vel. Samstarfið byggir þá á forvörnum á sviði streitu og kulnunar þar sem starfsfólk og stjórnendur fá ráðgjöf, regluleg fræðsluerindi og handleiðslu.

18. mars 2021 07:02

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir