Aðeins tvö útibú Arion banka eru eftir á höfuðborgarsvæðinu en útibú bankans í Kringlunni lokaði á dögunum. Ekki er langt um liðið frá því að útibú Arion banka að Borgartúni 18 lokaði en þar er starfsendurhæfingarsjóður VIRK nú til húsa.
Nú eru því aðeins útibú bankans við Smáratorg og Bíldshöfða eftir á höfuðborgarsvæðinu, auk Fyrirtækjatorgs bankans við Borgartún 19.
Bæði útibú bankans í Kringlunni og við Borgartún 18 lokuðu tímabundið þegar kórónuveirufaraldurinn skall á en hvorugt útibúanna hefur opnað síðan þá.
Óvíst er hvað mun opna í fyrrverandi húsnæði bankans í Kringlunni en hraðbankarnir sem þar voru hafa verið færðir til og eru nú staðsettir fyrir utan World Class í Kringlunni.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
Fleiri fréttir
Sjá meira
