Körfubolti

Grinda­vik full­komnaði endur­komuna með sigri í odda­leik og tryggði sér sæti í efstu deild

Runólfur Trausti Þórhallsson skrifar
Grindavík er komið upp í efstu deild kvenna í körfubolta.
Grindavík er komið upp í efstu deild kvenna í körfubolta. Ingibergur Þór

Eftir að hafa lent 2-0 undir í úrslitaeinvígi 1. deildar kvenna í körfubolta þá fullkomnaði Grindavík endurkomuna með sjö stiga sigri í kvöld, 75-68 og vann einvígið 3-2 sem þýðir að liðið spilar í efstu deild á næstu leiktíð.

Einvígi liðanna hefur verið hörkuskemmtun. Njarðvík vann fyrsta leikinn örugglega og svo annan leikinn eftir þríframlengdan leik. Grindavík kom til baka og jafnaði metin í 2-2 svo það var allt undir er liðin mættust í Njarðvík í kvöld.

Leikurinn byrjaði af miklum krafti en Grindavík alltaf skrefi á undan. Staðan í hálfleik var 45-40 í hálfleik en það hægðist á stigaskorun beggja liða í síðari hálfleik. Heimastúlkur náðu hins vegar ekki að ógna forystu gestanna sem unnu á endanum sjö stiga sigur, 75-68, og tryggðu sér sæti í efstu deild kvenna í körfubolta á næstu leiktíð.

Natalía Jenný Lucic Jónsdóttir var stigahæst í liði Grindavíkur með 17 stig ásamt því að taka 10 fráköst. Hekla Eik Nökkvadóttir kom þar á eftir með 14 stig.

Chelsea Nacole Jennings var stigahæst í liði Njarðvíkur með 25 stig ásamt því að taka 12 fráköst.

Grindavík tryggði sér sæti í efstu deild kvenna í körfubolta í kvöld.Ingibergur Þór



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.