Skipar Hlyn sem dómara

Atli Ísleifsson skrifar 10. júní 2021 13:04

Dómsmálaráðherra hefur ákveðið að skipa Hlyn Jónsson lögmann í embætti dómara hjá Héraðsdómi Norðurlands eystra frá og með 10. júní 2021.

Frá þessu segir á vef dómsmálaráðuneytisins. Þar segir að Hlynur hafi lokið embættisprófi frá lagadeild Háskóla Íslands árið 1996 og framhaldsnámi í lögfræði frá Chicago-háskóla árið 1998.

„Frá þeim tíma hefur Hlynur starfað sem lögmaður í um 16 ár, þar af með réttindi til málflutnings fyrir Hæstarétti Íslands frá árinu 2011. Þá hefur hann starfað sem lögfræðingur hjá Fjármálaeftirlitinu auk þess sem hann var á árinu 2009 skipaður formaður slitastjórna þriggja fjármálafyrirtækja.

Hlynur hefur einnig setið í ráðherraskipuðum nefndum sem samið hafa drög að lagafrumvörpum og þá sinnti hann stundakennslu við lagadeild Háskóla Íslands um hríð.“

Dómstólar Vistaskipti

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.