Viðskipti innlent

Systurnar loks lausar allra mála í Sjólaskipamálinu

Kolbeinn Tumi Daðason skrifar
Rannsókn á skattamálum Sjólaskipa hefur verið hófst fyrir rúmum áratug.
Rannsókn á skattamálum Sjólaskipa hefur verið hófst fyrir rúmum áratug. Vísir/Vilhelm

Systur sem kenndar hafa verið við útgerðina Sjólaskip voru á dögunum sýknaðar af ákæru um skattsvik. Dómur var kveðinn upp í Héraðsdómi Reykjavíkur þann 7. maí en hefur enn ekki verið birtur á vef héraðsdóms. Ríkissaksóknari ætlar ekki að áfrýja dómnum. Málaferlin hafa staðið yfir í áratug.

Systurnar Berglind Björk Jónsdóttir og Ragnheiður Jóna Jónsdóttir voru ákærðar fyrir skattaundanskot með því að hafa ekki staðið skil á skattgreiðslum. Upphaflega var ákært fyrir vangreiðslu á 40 milljónum króna í tilfelli Berglindar og 15 í tilfelli Ragnheiðar. Ákæruvaldið féll frá hluta ákærunnar og var upphæðin sem ákært var fyrir að lokum 6,9 milljónir króna á hvora systur.

Fram kom í greinargerð systranna þegar málið fór fyrst fyrir héraðsdóm að þær væru báðar kennarar sem hefðu sett sín mál í hendurnar á sérfræðingum. Þær hefðu treyst endurskoðendum sínum til að standa rétt að málum.

Þeirra mál væri skólabókardæmi um tilvik „þar sem viðkomandi einstaklingur er settur í óvissu og tafir vegna málareksturs sem dregst yfir lengri tíma.“

Játaðu að hagnaður hefði ekki verið talinn fram 

Systurnar játuðu hvor fyrir sig fyrir dómi að gengishagnaður sem málið snerist um hefði ekki verið talinn fram á skattframtali þeirra. Þær sögðust vilja greiða það sem út af stæði enda hefði aldrei annað staðið til en að telja fram eftir bestu vitund.

Í niðurstöðu dómsins kemur fram að eiginmenn þeirra systra höfðu í báðum tilvikum hærri tekjur og hefðu fjármagnstekjur því átt að teljast til tekna hjá þeim.

Háttsemi systranna gat því ekki haft áhrif á tekjuskatt þeirra heldur eiginmannanna. Ekki væri því hægt að sakfella systurnar fyrir það sem þeim var gefið að sök í ákæru.

Dómurinn vísaði til grundvallarreglna í stjórnarskrá, mannréttindasáttmála Evrópu og þess að skilyrði refsiábyrgðar skorti til að háttsemi systranna væri refsinæm að lögum. Því bæri að sýkna þær.

„Gríðarlegur dráttur er orðinn á málinu sem ákærða verður ekki sökuð um. Eðli meints sakarefnis getur ekki skýrt dráttinn og í raun eru engar haldbærar skýringar komnar fram á honum og er hann ámælisverður,“ segir Guðjón St. Marteinsson héraðsdómari.

Málarekstri héraðssaksóknara í Sjólaskipamálinu er þó ekki lokið. Aðalmeðferð í máli Haraldar Reynis og Guðmundar Steinars jónssonar eru komin á dagskrá réttarins í október. Meintar vanframtaldar tekjur þeirra og félaga í þeirra eigum eru í ákæru sagðar nema á fimmta milljarð króna og vangoldnir skattar um einum milljarði.

Bræðurnir eru ákærðir fyrir að hafa ekki staðið rétt að því að telja fram tekjur og jöld. Það hafi haft áhrif á skattlagningu tveggja félaga sem skráð voru á Kýpur en stunduðu fiskveiðar við strendur Marokkó og Máritaníu. 

Bræðurnir eru einnig ákærðir fyrir vanframtaldar tekjur. Haraldur fyrir að koma sér hjá greiðslu upp á 71 milljón en Guðmundur fyrir 66 milljóna undanskot.

Málum allra systkinanna var vísað frá héraði í júlí 2020. Þeirri ákvörðun áfrýjaði héraðssaksóknari til Landsréttar sem komst að þeirri niðurstöðu að þau skyldu fá meðferð í héraði.

Systurnar eru nú lausar allra mála en bræðurnir bíða aðalmeðferðar í héraði í október.

Fréttin var uppfærð með þeim upplýsingum að ákæruvaldið féll frá hluta af upphaflegu ákærunni. Um leið lækkaði sú upphæð sem systurnar voru sakaðar um að hafa ekki greitt til skattsins niður í 6,9 milljónir. Að neðan má sjá yfirlýsingu frá Garðari Gíslasyni, lögmanni systranna.

Systurnar í Sjólaskipum sýknaðar af öllum ákærum

Systurnar Ragnheiður Jóna og Berglind Björk Jónsdætur, stundum kenndar við Sjólaskip, hafa með dómum Héraðsdóms Reykjavíkur að fullu verið sýknaðar af öllum ákærum fyrir brot gegn skattalögum og hefur ákæruvaldið ákveðið að una dómunum.

Þar með lauk endanlega 10 ára samanlagðri málsmeðferð hjá embættum skattrannsóknarstjóra, ríkisskattstjóra, héraðssaksóknara og fyrir dómstólum. Þeim Ragnheiði Jónu og Berglindi Björk var hvorki gert að greiða viðbótarskatta né heldur að sæta nokkurri refsingu vegna málanna og telst þeim því að fullu lokið.

Ragnheiður Jóna og Berglind Björk fagna þessari endanlegu niðurstöðu en harma jafnframt langdregna og óvægna málsmeðferð.


Tengdar fréttir

Sjólaskipabróðir ákærður fyrir 245 milljóna skattsvik

Haraldur Reynir Jónsson, einn systkinanna sem kennd eru við útgerðarfyrirtækið Sjólaskip, hefur verið ákærður fyrir meiriháttar brot gegn skattalögum með því að hafa vantalið tekjur sínar árin 2005-2008 að fjárhæð rúmlega 245 milljóna króna.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
1,32
34
15.560
SIMINN
0,77
10
79.681
ORIGO
0,62
1
292
MAREL
0,21
11
113.781
BRIM
0,18
2
391

Mesta lækkun dagsins


Félag
Br.%
Fjöldi
Velta*
ISB
-0,93
22
20.450
ARION
-0,61
21
168.723
SVN
-0,3
5
1.253
SJOVA
-0,29
1
240
SYN
-0,25
1
598
Velkomin á Vísi. Þessi vefur notar vafrakökur. Sjá nánar.