Grínið sem varð að veruleika Ingvi Þór Sæmundsson skrifar 8. júní 2021 10:01 Bjarki Már Elísson og félagar í Lemgo áttu frábæra leiki í Hamborg. getty/Axel Heimken Síðustu dagar hafa verið ansi góðir fyrir Bjarka Má Elísson og félaga í þýska handboltaliðinu Lemgo. Á fimmtudaginn unnu þeir ævintýralegan sigur á Kiel í undanúrslitum bikarkeppninnar og á föstudaginn varð Lemgo svo bikarmeistari í fyrsta sinn síðan 2002 eftir sigur á Melsungen. „Þetta hafa verið ágætis dagar. Við spiluðum við Kiel í undanúrslitunum og það er einn rosalegasti leikur sem ég hef tekið þátt í á mínum ferli. Við vorum sjö mörkum undir í hálfleik gegn Evrópumeisturum Kiel en unnum seinni hálfleikinn með átta mörkum. Eftir það var mikill meðbyr með okkur og í úrslitaleiknum vorum við mjög góðir þannig að þetta voru frábærir dagar í Hamborg,“ sagði Bjarki í samtali við Vísi. Fimmtán mánuðir milli leikja Um var að ræða bikarhelgina 2020 en henni var frestað í fyrra vegna kórónuveirufaraldursins. Bikarkeppnin fyrir tímabilið 2020-21 var aftur á móti felld niður. Lemgo vann B-deildarlið Friesenheim í átta liða úrslitunum, 23-26, í byrjun desember 2019. Undanúrslitaleikurinn gegn Kiel var svo heilum fimmtán mánuðum síðar. Í millitíðinni hafði Kiel orðið þýskur meistari og Evrópumeistari svo verkefni Bjarka og félaga var ærið. Leikmenn Lemgo fagna.getty/Axel Heimken „Við vorum kannski ekki sigurvissir en höfðum trú á að við gætum unnið þá. Grín og ekki grín en þegar það var dregið fórum við að tala um að við yrðum bikarmeistarar. Hvort sem það var sagt í gríni eða alvöru var hamrað á því nánast vikulega fram að úrslitahelginni sem var síðan frestað,“ sagði Bjarki. Ætluðum allavega að hafa gaman að þessu Landsliðsmaðurinn skoraði sex mörk í leiknum gegn Kiel og var markahæstur í liði Lemgo sem vann eins marks sigur, 29-28. Í hálfleik benti ekkert til þess enda var Kiel með sjö marka forskot, 18-11. „Við vorum eiginlega dauðir í hálfleik. Þá held ég að enginn hafi haft trú á þessu, hvorki við né þeir,“ sagði Bjarki. En hvernig var hálfreiksræðan hjá Florian Kehrmann, þjálfara Lemgo? „Við gerðum svolítið mörg mistök í fyrri hálfleik og ætluðum að fækka þeim. Svo töluðum við um að hafa allavega gaman að þessu. Við værum komnir til Hamborgar, loksins með áhorfendur og ætluðum að njóta þess. Svo kom þetta, mark fyrir mark, og það var ótrúlegt að klára þetta,“ sagði Bjarki. Unnu tvo Golíata Öllu minni spenna var í úrslitaleiknum þar sem Lemgo mætti Melsungen, liði landsliðsþjálfarans Guðmundar Guðmundssonar. Bjarki skoraði fjögur mörk í 28-24 sigri Lemgo. „Við vorum með vindinn í bakið eftir leikinn gegn Kiel og maður fann að stemmningin væri okkar megin. Varnarleikurinn var frábær og varamarkvörðurinn okkar kom snemma inn á og lokaði rammanum. Hann var óvænt hetja,“ sagði Bjarki. Leikmenn Lemgo fagna eftir sigurinn ótrúlega á Kiel.getty/Martin Rose Melsungen er ekkert lamb að leika sér við enda með mjög sterkan leikmannahóp og þar á bæ er markið sett hátt. „Á pappírnum eiga þeir að vera betri en við. Þeir eru með landsliðsmann í hverri einustu stöðu og sums staðar tvö. Þeir voru sigurstranglegri og eru með hörkulið. Miðað við hvernig þeir hafa keypt inn síðustu ár er stefnan sett á að berjast um meistaratitilinn,“ sagði Bjarki. Klefapartí og löng rútuferð Þetta var ekki bara fyrsti bikarmeistaratitill Lemgo síðan 2002 heldur fyrsti stóri titill félagsins síðan 2010 þegar það vann EHF-bikarinn. Og því var eðlilega fagnað vel og innilega. „Við héldum gott partí í klefanum og svo var rútuferð heim. Hún tekur venjulega tvo og hálfan til þrjá tíma en ætli hún hafi ekki verið svona fjórir til fjórir og hálfur með stoppum. Við fórum svo á bar þegar við komum til Lemgo og þar var fullt af fólki. Við fögnuðum þessu vel og líka á laugardaginn. Þá hittumst við á veitingastað og þar var sungið og trallað fram eftir degi,“ sagði Bjarki. Lemgo hefur fjórum sinnum orðið þýskur bikarmeistari (1995, 1997, 2002 og 2020).getty/Martin Rose Lemgo-menn fengu þó ekki langa hvíld því á sunnudaginn áttu þeir leik gegn Nordhorn. „Maður var kominn í bedda um miðnætti á laugardaginn og vaknaði svo og undirbjó sig fyrir deildarleik,“ sagði Bjarki. Hann og aðrir lykilmenn Lemgo komu lítið við sögu í leiknum en þrátt fyrir það vann liðið öruggan sigur, 25-32. Lemgo er í 10. sæti þýsku úrvalsdeildarinnar. Nálægt gjaldþroti og falli Bjarki segir að bikarmeistaratitilinn hafi mikla þýðingu fyrir félagið og handboltabæinn Lemgo. „Það eru ekki nema þrjú ár síðan félagið bjargaði sér frá falli í lokaumferðinni. Þeir lentu í fjárhagsvandræðum fyrir nokkrum árum og þurftu að fara í enduruppbyggingu. Þeir hafa náð að snúa þessu við og eru núna orðnir stöðugir,“ sagði Bjarki. „Við erum um miðja deild, ekki í neinni fallbaráttu og frekar nær því að komast í efri hlutann en í hina áttina. Vonandi er þetta hvatning fyrir félagið til að gera enn betur. Við erum með frábært byrjunarlið en það vantar kannski aðeins upp á breiddina.“ Þýski handboltinn Mest lesið Birkir gæti hætt: Fékk spennandi starf en svo fór allt í skrúfuna Fótbolti Gæti orðið dýrastur í sögu KR Íslenski boltinn Norsk handboltastjarna með krabbamein Handbolti Ákvæði í samningi Andra tengt brotthvarfi föður hans Handbolti Stjarnan staðfestir komu Caulker Íslenski boltinn Vann hundrað kílómetra hlaup og gaf brjóst á leiðinni Sport Rauð hitaviðvörun hjá stelpunum okkar í Serbíu Fótbolti Ronaldo semur um að spila til 42 ára aldurs Fótbolti Karólína Lea á bólakaf í kalda pottinum Fótbolti Kraftaverkakona sem þekkir Ísland út og inn Fótbolti Fleiri fréttir Ákvæði í samningi Andra tengt brotthvarfi föður hans Norðmenn græddu á því að halda HM í handbolta Kraftaverk Færeyinga: „Þurfum alla leikmenn sem við getum fengið“ Barðist fyrir Viggó við erfiðar aðstæður: „Ég vildi þetta ekki“ Rúnar framlengir og fer í nýtt hlutverk hjá Fram Íslendingar völtuðu yfir Mexíkó á HM Allir hræðist Gísla Þorgeir: „Þekktasta nafnið í handboltaheiminum“ Viktor Gísli kláraði háskólanám með atvinnumennskunni Ein af hetjum Frakka í Laugardalshöllinni látin Færeyingar efstir þrátt fyrir sigur Íslands í síðasta leik Sautján mörk Elmars ekki nóg gegn Færeyjum Gísli þakklátur fjölskyldu sinni: „Minn stærsti mentor í handboltanum og lífinu“ Átti erfitt með að grípa bolta skömmu fyrir sögulega frammistöðu Strákarnir hófu HM á tapi gegn Rúmenum Tárin runnu þegar feðgarnir föðmuðust eftir afrek Gísla í Meistaradeildinni Enn á ný er Íslendingur á bak við sigur Magdeburg í Meistaradeildinni Gísli fékk „deja vu“: Árangur sem aðeins Íslendingar hafa náð Gísli Þorgeir bestur í annað sinn Gísli Þorgeir og Ómar Ingi Evrópumeistarar Nantes vann bronsið sem Barcelona nennti ekki Hetjuleg harka hjá Ómari og Gísla fleytti Magdeburg í úrslit Misstu sinn besta mann en fóru létt með undanúrslitaleikinn Sonurinn smitaði Aron af handa-, fóta- og munnsjúkdómi Landsmeistari í sextánda sinn á ferlinum Þrjár erlendar til nýliðanna á Akureyri „Stress og spenningur að flytja einn út og þurfa læra á uppþvottavél“ Rúnar látinn fara frá Leipzig Rut bætist í stóran hóp sem kvatt hefur landsliðið „Einvígi sem hefur verið magnað að taka þátt í“ Viðar Símonarson látinn Sjá meira
„Þetta hafa verið ágætis dagar. Við spiluðum við Kiel í undanúrslitunum og það er einn rosalegasti leikur sem ég hef tekið þátt í á mínum ferli. Við vorum sjö mörkum undir í hálfleik gegn Evrópumeisturum Kiel en unnum seinni hálfleikinn með átta mörkum. Eftir það var mikill meðbyr með okkur og í úrslitaleiknum vorum við mjög góðir þannig að þetta voru frábærir dagar í Hamborg,“ sagði Bjarki í samtali við Vísi. Fimmtán mánuðir milli leikja Um var að ræða bikarhelgina 2020 en henni var frestað í fyrra vegna kórónuveirufaraldursins. Bikarkeppnin fyrir tímabilið 2020-21 var aftur á móti felld niður. Lemgo vann B-deildarlið Friesenheim í átta liða úrslitunum, 23-26, í byrjun desember 2019. Undanúrslitaleikurinn gegn Kiel var svo heilum fimmtán mánuðum síðar. Í millitíðinni hafði Kiel orðið þýskur meistari og Evrópumeistari svo verkefni Bjarka og félaga var ærið. Leikmenn Lemgo fagna.getty/Axel Heimken „Við vorum kannski ekki sigurvissir en höfðum trú á að við gætum unnið þá. Grín og ekki grín en þegar það var dregið fórum við að tala um að við yrðum bikarmeistarar. Hvort sem það var sagt í gríni eða alvöru var hamrað á því nánast vikulega fram að úrslitahelginni sem var síðan frestað,“ sagði Bjarki. Ætluðum allavega að hafa gaman að þessu Landsliðsmaðurinn skoraði sex mörk í leiknum gegn Kiel og var markahæstur í liði Lemgo sem vann eins marks sigur, 29-28. Í hálfleik benti ekkert til þess enda var Kiel með sjö marka forskot, 18-11. „Við vorum eiginlega dauðir í hálfleik. Þá held ég að enginn hafi haft trú á þessu, hvorki við né þeir,“ sagði Bjarki. En hvernig var hálfreiksræðan hjá Florian Kehrmann, þjálfara Lemgo? „Við gerðum svolítið mörg mistök í fyrri hálfleik og ætluðum að fækka þeim. Svo töluðum við um að hafa allavega gaman að þessu. Við værum komnir til Hamborgar, loksins með áhorfendur og ætluðum að njóta þess. Svo kom þetta, mark fyrir mark, og það var ótrúlegt að klára þetta,“ sagði Bjarki. Unnu tvo Golíata Öllu minni spenna var í úrslitaleiknum þar sem Lemgo mætti Melsungen, liði landsliðsþjálfarans Guðmundar Guðmundssonar. Bjarki skoraði fjögur mörk í 28-24 sigri Lemgo. „Við vorum með vindinn í bakið eftir leikinn gegn Kiel og maður fann að stemmningin væri okkar megin. Varnarleikurinn var frábær og varamarkvörðurinn okkar kom snemma inn á og lokaði rammanum. Hann var óvænt hetja,“ sagði Bjarki. Leikmenn Lemgo fagna eftir sigurinn ótrúlega á Kiel.getty/Martin Rose Melsungen er ekkert lamb að leika sér við enda með mjög sterkan leikmannahóp og þar á bæ er markið sett hátt. „Á pappírnum eiga þeir að vera betri en við. Þeir eru með landsliðsmann í hverri einustu stöðu og sums staðar tvö. Þeir voru sigurstranglegri og eru með hörkulið. Miðað við hvernig þeir hafa keypt inn síðustu ár er stefnan sett á að berjast um meistaratitilinn,“ sagði Bjarki. Klefapartí og löng rútuferð Þetta var ekki bara fyrsti bikarmeistaratitill Lemgo síðan 2002 heldur fyrsti stóri titill félagsins síðan 2010 þegar það vann EHF-bikarinn. Og því var eðlilega fagnað vel og innilega. „Við héldum gott partí í klefanum og svo var rútuferð heim. Hún tekur venjulega tvo og hálfan til þrjá tíma en ætli hún hafi ekki verið svona fjórir til fjórir og hálfur með stoppum. Við fórum svo á bar þegar við komum til Lemgo og þar var fullt af fólki. Við fögnuðum þessu vel og líka á laugardaginn. Þá hittumst við á veitingastað og þar var sungið og trallað fram eftir degi,“ sagði Bjarki. Lemgo hefur fjórum sinnum orðið þýskur bikarmeistari (1995, 1997, 2002 og 2020).getty/Martin Rose Lemgo-menn fengu þó ekki langa hvíld því á sunnudaginn áttu þeir leik gegn Nordhorn. „Maður var kominn í bedda um miðnætti á laugardaginn og vaknaði svo og undirbjó sig fyrir deildarleik,“ sagði Bjarki. Hann og aðrir lykilmenn Lemgo komu lítið við sögu í leiknum en þrátt fyrir það vann liðið öruggan sigur, 25-32. Lemgo er í 10. sæti þýsku úrvalsdeildarinnar. Nálægt gjaldþroti og falli Bjarki segir að bikarmeistaratitilinn hafi mikla þýðingu fyrir félagið og handboltabæinn Lemgo. „Það eru ekki nema þrjú ár síðan félagið bjargaði sér frá falli í lokaumferðinni. Þeir lentu í fjárhagsvandræðum fyrir nokkrum árum og þurftu að fara í enduruppbyggingu. Þeir hafa náð að snúa þessu við og eru núna orðnir stöðugir,“ sagði Bjarki. „Við erum um miðja deild, ekki í neinni fallbaráttu og frekar nær því að komast í efri hlutann en í hina áttina. Vonandi er þetta hvatning fyrir félagið til að gera enn betur. Við erum með frábært byrjunarlið en það vantar kannski aðeins upp á breiddina.“
Þýski handboltinn Mest lesið Birkir gæti hætt: Fékk spennandi starf en svo fór allt í skrúfuna Fótbolti Gæti orðið dýrastur í sögu KR Íslenski boltinn Norsk handboltastjarna með krabbamein Handbolti Ákvæði í samningi Andra tengt brotthvarfi föður hans Handbolti Stjarnan staðfestir komu Caulker Íslenski boltinn Vann hundrað kílómetra hlaup og gaf brjóst á leiðinni Sport Rauð hitaviðvörun hjá stelpunum okkar í Serbíu Fótbolti Ronaldo semur um að spila til 42 ára aldurs Fótbolti Karólína Lea á bólakaf í kalda pottinum Fótbolti Kraftaverkakona sem þekkir Ísland út og inn Fótbolti Fleiri fréttir Ákvæði í samningi Andra tengt brotthvarfi föður hans Norðmenn græddu á því að halda HM í handbolta Kraftaverk Færeyinga: „Þurfum alla leikmenn sem við getum fengið“ Barðist fyrir Viggó við erfiðar aðstæður: „Ég vildi þetta ekki“ Rúnar framlengir og fer í nýtt hlutverk hjá Fram Íslendingar völtuðu yfir Mexíkó á HM Allir hræðist Gísla Þorgeir: „Þekktasta nafnið í handboltaheiminum“ Viktor Gísli kláraði háskólanám með atvinnumennskunni Ein af hetjum Frakka í Laugardalshöllinni látin Færeyingar efstir þrátt fyrir sigur Íslands í síðasta leik Sautján mörk Elmars ekki nóg gegn Færeyjum Gísli þakklátur fjölskyldu sinni: „Minn stærsti mentor í handboltanum og lífinu“ Átti erfitt með að grípa bolta skömmu fyrir sögulega frammistöðu Strákarnir hófu HM á tapi gegn Rúmenum Tárin runnu þegar feðgarnir föðmuðust eftir afrek Gísla í Meistaradeildinni Enn á ný er Íslendingur á bak við sigur Magdeburg í Meistaradeildinni Gísli fékk „deja vu“: Árangur sem aðeins Íslendingar hafa náð Gísli Þorgeir bestur í annað sinn Gísli Þorgeir og Ómar Ingi Evrópumeistarar Nantes vann bronsið sem Barcelona nennti ekki Hetjuleg harka hjá Ómari og Gísla fleytti Magdeburg í úrslit Misstu sinn besta mann en fóru létt með undanúrslitaleikinn Sonurinn smitaði Aron af handa-, fóta- og munnsjúkdómi Landsmeistari í sextánda sinn á ferlinum Þrjár erlendar til nýliðanna á Akureyri „Stress og spenningur að flytja einn út og þurfa læra á uppþvottavél“ Rúnar látinn fara frá Leipzig Rut bætist í stóran hóp sem kvatt hefur landsliðið „Einvígi sem hefur verið magnað að taka þátt í“ Viðar Símonarson látinn Sjá meira