Enski boltinn

Brent­ford upp í ensku úr­vals­deildina í fyrsta sinn

Runólfur Trausti Þórhallsson skrifar
Ivan Toney skoraði fyrra mark Brentford.
Ivan Toney skoraði fyrra mark Brentford. Mike Egerton/Getty Images

Enska knattspyrnufélagið Brentford tryggði sér í dag sæti í ensku úrvalsdeildinni á næstu leiktíð er það lagði Swansea City 2-0 af velli í úrslitaleik umspils ensku B-deildarinnar á Wembley-vellinum í Lundúnum.

Strax á 10. mínútu leiksins fékk Brentford vítaspyrnu er Freddie Woodman, markvörður Swansea, braut á Bryan Mbeumo, innan vítateigs. Markahrókurinn Ivan Toney fór á punktinn og skoraði af öryggi.

Staðan orðin 1-0 og aðeins tíu mínútum síðar hafði Brentford tvöfaldað forystu sína. Þá skoraði Emiliano Marcondes eftir fyrirgjöf Mads Roerslev. Staðan orðin 2-0 og þannig var hún enn er flautað var til loka fyrri hálfleiks.

Brentford múraði fyrir markið og ekki varð verkefni Swansea auðveldara þegar Jay Fulton fékk beint rautt spjald um miðbik síðari hálfleiks fyrir glæfralega tæklingu. Samherjar hans mótmæltu harðlega en allt kom fyrir ekki og Swansea með aðeins tíu leikmenn það sem eftir lifði leiks.

Liðinu tókst ekki að minnka muninn, lokatölur 2-0 og Brentford komið upp í úrvalsdeildina í fyrsta sinn. 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.