Erlent

Fundu risa­skjald­böku af tegund sem var talin hafa dáið út fyrir rúmri öld

Atli Ísleifsson skrifar
Talið er að risaskjaldbakan sem fannst sé rúmlega hundrað ára gömul og er henni nú haldið í ræktunarstöð á eynni Santa Cruz.
Talið er að risaskjaldbakan sem fannst sé rúmlega hundrað ára gömul og er henni nú haldið í ræktunarstöð á eynni Santa Cruz. Umhverfisráðuneyti Ekvadors

Erfðarannsóknir hafa leitt í ljós að risaskjaldbaka sem fannst á Galapagoseyjum sé af tegund sem vísindamenn töldu hafa dáið út fyrir rúmum hundrað árum.

Kvendýrið fannst í vísindaleiðangri til Fernandina-eyju árið 2019 og báru vísindamenn lífsýni saman við leifar af löngu dauðri risaskjaldböku af tegundinni Chelonoidis phantasticus. Síðast sást til slíks dýrs árið 1906.

BBC segir frá því að það hafi verið vísindamenn á vegum California Academy of Sciences sem hafi unnið að rannsókninni og rekist á risaskjaldbökuna á Fernandina-eyju.

Gustavo Manrique, umhverfisráðherra Ekvadors, fagnaði fréttunum í vikunni og sagði „vonina lifa“.

Talið er að risaskjaldbakan sem fannst sé rúmlega hundrað ára gömul og er henni nú haldið í ræktunarstöð á eynni Santa Cruz.

Vísindamennirnir segja að bæði spor og saur hafi fundist sem bendi til að fleiri dýr af sömu tegund kunni þar að finnast. Er stefnt að því að gera út leiðangur til Fernandina-eyjar til að kortleggja hvort að fleiri dýr af sömu tegund leynist á eynni.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.