Fimm greindust innan­­lands og tveir utan sótt­kvíar

Þetta kemur fram í uppfærðum tölum á síðunni Covid.is.

38 eru nú í einangrun, en voru 40 í gær. 101 eru nú í sóttkví, en voru 113 í gær. 1634 eru nú í skimunarsóttkví. Þá einn nú á sjúkrahúsi vegna Covid-19, sami fjöldi og í gær.

Tvö smit greindust á landamærum í gær og er niðurstöðu mótefnamælingar beðið í tilviki beggja.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 7,6, en var 7,1 á föstudag. Nýgengi á smiti á landamærum er nú 2,7, en var 3,0 á föstudag.

6.564 hafa nú greinst með kórónuveiruna hér á landi frá upphafi faraldursins í febrúar á síðasta ári. Af þeim sem greinst hafa með COVID-19 á Íslandi eru þrjátíu látin.

80.611 eru nú fullbólusettir hér á landi og er bólusetning hafin hjá 83.662 til viðbótar.

Alls voru tekin 846 einkennasýni hjá sýkla- og veirufræðideild Landspítalans og Íslenskri erfðagreiningu í gær. Þá voru 1.232 sýni tekin á landamærunum eða í seinni landamæraskimun og 543 í svokallaðri sóttkvíar- og handahófsskimun.

Fréttin hefur verið uppfærð.