Erlent

Hætta við brott­vísunar­stöð fyrir brot­lega hælis­leit­endur á Langa­landi

Atli Ísleifsson skrifar
Um 250 íbúar á Langalandi lögðu leið sína til Kaupmannahafnar í gær til að mótmæla áætlunum fyrir utan Kristjánsborg.
Um 250 íbúar á Langalandi lögðu leið sína til Kaupmannahafnar í gær til að mótmæla áætlunum fyrir utan Kristjánsborg. Getty

Ríkisstjórn Danmerkur hefur hætt við áætlanir um að koma upp brottvísunarstöð fyrir brotlega hælisleitendur á Langalandi. Málið hefur mikið verið til umfjöllunar í Danmörku síðustu daga og vikur.

Mattias Tesfaye, ráðherra útlendinga- og aðlögunarmála, tilkynnti um þetta í gærkvöldi. Fyrr um daginn höfðu um 250 íbúar á Langalandi lagt leið sína til Kaupmannahafnar til að mótmæla áætlunum fyrir utan Kristjánsborgarhöll.

Tesfaye sagði frá því að ekki væri meirihluti fyrir málinu á þinginu og því hafi verið ákveðið að bakka. Sagðist ráðherrann vera opinn fyrir öðrum hugmyndum og staðsetningum til að ná samstöðu í málinu, ávallt væri heitt á könnunni.

Til stóð að opna brottvísunarstöðina á Langalandi árið 2022 og átti það að hýsa 130 hælisleitendur sem hafi gerst brotlegir við lög og biðu brottvísunar frá Danmörku.

DR segir frá því að brotlegir hælisleitendur verði nú áfram hýstir til bráðabirgða á Kærshovedgaård á Jótlandi á meðan þeir bíða brottvísunar.

Langaland er ílöng eyja milli Fjóns og Lálands. 

Danmörk
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið