Innlent

Plokkuðu 750 kíló af rusli í Elliðaárdalnum

Samúel Karl Ólason skrifar
Birna Bragadóttir og Bjarni Bjarnason, forstjóri OR.
Birna Bragadóttir og Bjarni Bjarnason, forstjóri OR. Atli Már Hafsteinsson

Starfsmenn Orkuveitu Reykjavíkur plokkuðu 750 kíló af rusli úr Elliðaárdalnum í vikunni, þegar vorhreinsun Orkuveitunnar fór fram. Alls tóku 132 starfsmenn OR þátt í átakinu yfir þrjá daga.

Sorpið sem tínt var upp var vigtað áður en það var flokkað og því fargað. Alls voru 752 kíló af rusli týnd, samkvæmt tilkynningu frá OR.

Þar segir að hreinsunin í dalnum sé liður í fyrsta viðburði Elliðaárstöðvar sem á að opna í dalnum síðar á árinu. Viðburðurinn ber heitið „Maðurinn í skóginum“ og er hluti af Hönnunarmars.

Í áðurnefndri tilkynningu er haft eftir Birnu Bragadóttur, forstöðukonu Elliðaárstöðvar, að ánægjulegt sé að búið sé að hreinsa dalinn og hægt að taka á móti gestum um næstu helgi.

„Þar er ætlunin að spjalla við fólk og eiga samtal um dalinn okkar og segja frá starfsemi Elliðaárstöðvar. Framkvæmdir eru í fullum gangi og það styttist í að við getum byrjað að taka á móti fólki. Við erum líka afskaplega ánægð með að Elliðaárdalurinn sé nýr áfangastaður Hönnunarmars í borginni. Þetta er allt saman liður í því að tengja dalinn betur við borgina, fá fólk til að hreyfa sig, njóta útivistar og fræðast um veiturnar og þá merkilegu sögu sem liggur í dalnum,“ segir Birna

Áhugasamir geta fundið frekari upplýsingar um Elliðaárstöðvar og Maðurinn í skóginum hér á Facbooksíðu stöðvarinnar.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×