Innlent

Tveir greindust innan­lands

Atli Ísleifsson skrifar
65.011 eru nú fullbólusettir hér á landi og er bólusetning hafin hjá 82.581 til viðbótar.
65.011 eru nú fullbólusettir hér á landi og er bólusetning hafin hjá 82.581 til viðbótar. Vísir/Vilhelm

Tveir greindust með kórónuveiruna innan­lands í gær. Báðir þeir sem greindust voru í sóttkví við greiningu.

Þetta kemur fram í uppfærðum tölum á síðunni Covid.is.

63 eru nú í einangrun, en voru 75 á miðvikudaginn. 330 eru nú í sóttkví, en voru 483 á miðvikudag. 1068 eru nú í skimunarsóttkví. Þá eru fjórir nú á sjúkrahúsi vegna Covid-19, en voru þrír á miðvikudag.

Tveir greindust á landamærum í gær, einn með virkt smit í fyrri landamæraskimun og annar í seinni.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 13,9, en var 16,1 á miðvikudaginn. Nýgengi á smiti á landamærum er nú 3,0, en var 2,7 á miðvikudag.

65.011 eru nú fullbólusettir hér á landi og er bólusetning hafin hjá 82.581 til viðbótar.

Alls hafa 6.537 manns greinst með kórónuveiruna hér á landi frá því faraldurinn hófst í lok febrúar á síðasta ári. Þá hafa 29 dauðsföll verið rakin til Covid-19 á Íslandi frá upphafi faraldursins.

Alls voru tekin 472 einkennasýni hjá sýkla- og veirufræðideild Landspítalans og Íslenskri erfðagreiningu í gær. Þá voru 1.013 sýni tekin á landamærunum eða í seinni landamæraskimun og 441 í svokallaðri sóttkvíar- og handahófsskimun.

Fréttin hefur verið uppfærð. 



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.