Handbolti

Viggó afgreiddi Löwen

Anton Ingi Leifsson skrifar
Viggó Kristjánsson er að gera virkilega góða hluti í Þýskalandi.
Viggó Kristjánsson er að gera virkilega góða hluti í Þýskalandi. Tom Weller/Getty

Viggó Kristjánsson átti frábæran leik er Stuttgart vann fjögurra marka sigur, 32-28, á Rhein Neckar Löwen í þýsku úrvalsdeildinni í handbolta.

Viggó skoraði átta mörk og var markahæsti maður vallarins, ásamt Jerry Tollbring hjá Löwen, en Ýmir Örn Gíslason komst ekki á blað hjá Löwen.

Löwen er í þriðja sæti deildarinnar eftir tapið með 42 stig en þeir hafa tapað tveimur leikjum í röð. Stuttgart er í tólfta sætinu með 26 stig.

Bjarki Már Elísson skoraði tvö mörk er Lemgo tapaði fyrir Hannover-Burgdorf á heimavelli, 26-24. Lemgo er í ellefta sætinu með 26 stig en Hannover-Burgdorf er í fjórtánda sætinu.

Oddur Grétarsson skoraði þrjú mörk er Balingen gerði 29-29 jafntefli við Minden. Balingen er í sextánda sætinu, fimm stigum frá fallsæti, en Minden er sæti ofar með 22 stig.




Fleiri fréttir

Sjá meira


×