Erlent

Tugir látnir í sprengju­á­rás skammt frá skóla í Kabúl

Atli Ísleifsson skrifar
Enginn hefur enn lýst yfir ábyrgð á árásinni, en viðbúnaður hefur verið mikill í Afganistan síðustu vikur.
Enginn hefur enn lýst yfir ábyrgð á árásinni, en viðbúnaður hefur verið mikill í Afganistan síðustu vikur. AP

Að minnsta kosti fjörutíu eru látnir eftir sprengjuárás sem gerð var nærri skóla í vesturhluta afgönsku höfuðborgarinnar Kabúl í dag.

Reuters segir frá því að fjöldi nemenda sé í hópi hinna látnu.

Tariq Arian, talsmaður innanríkisráðuneytis Afganistans, segir að 52 hið minnsta hafi auk þess særst í árásinni, flestir nemendur.

Enginn hefur enn lýst yfir ábyrgð á árásinni, en viðbúnaður hefur verið mikill í Afganistan síðustu vikur eftir að bandarísk stjórnvöld tilkynntu áætlanir um að flytja allt herlið sitt frá Afganistan fyrir 11. september næstkomandi.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.