Erlent

Einstaklingum undir 40 ára boðið annað bóluefni en frá AstraZeneca

Hólmfríður Gísladóttir skrifar
Um 35 milljónir Breta hafa fengið að minnsta kosti einn skammt af bóluefni gegn Covid-19.
Um 35 milljónir Breta hafa fengið að minnsta kosti einn skammt af bóluefni gegn Covid-19. epa/Andy Rain

Breska lyfjaeftirlitsstofnunin hefur ákveðið að héðan í frá verði einstaklingum undir fertugu boðið annað bóluefni en það frá AstraZeneca vegna sjaldgæfra en alvarlegra blóðtappa sem hafa verið tilkynntir í kjölfar bólusetninga.

Um 28,5 milljónir skammta hafa verið gefnir á Bretlandseyjum og hafa 242 tilvik blóðtappa verið tilkynnt. Af þeim sem hafa fengið blóðtappa í kjölfar bólusetningar hafa 49 látist.

Yngra fólk er hins vegar í meiri hættu en eldra að fá blóðtappa.

Yfirvöld setja bólusetningar þegar hafa bjargað 10 þúsund lífum og vegna þess hversu vel bólusetningar ganga hafa þau ákveðið að ráðleggja einstaklingum á aldrinum 18 til 39 til að þiggja annað bóluefni en AstraZeneca, að því gefnu að þeir þjáist ekki af undirliggjandi sjúkdómum.

Áhættan á blóðtappa er sögð einn af hundrað þúsund hjá einstaklingum á fimmtugsaldri en einn af sextíu þúsund hjá einstaklingum á fertugsaldri.

Bresk yfirvöld hvetja þó þá sem hafa þegar fengið einn skammt af bóluefninu frá AstraZeneca til að þiggja skammt númer tvö, þar sem aukaverkunin alvarlega virðist oftast koma fram eftir fyrsta skammt.

BBC fjallar um málið.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×