Kona var flutt frá gosstöðvunum í Geldingadölum á Reykjanesskaga í gærkvöldi en óttast var að hún hefði fótbrotnað.
Frá þessu greinir lögreglan á Suðurnesjum. Björgunarsveitarmenn sóttu hana og komu henni í sjúkrabíl, en aðgerðin tók um tvær klukkustundir.
Þá greinir RÚV frá því að karlmaður hafi einnig verið fluttur á sjúkrahús af svæðinu í gærkvöldi.
Hann hafi fundið til veikinda við upphaf göngunnar og var hann einnig fluttur á sjúkrahús til aðhlynningar.
Allt að fimmtán sentimetra hraunmolar hafa skotist upp úr öflugasta gígnum í Geldingadölum eftir að gosvirknin breyttist. Hættusvæðið verður því stækkað.
Búist er við að framkvæmdir við eldgosið í Fagradalsfjalli hefjist í vikunni að sögn ferðamálastjóra. Ríkið leggi nú þegar til 40 milljónir króna til verkefna þar og landeigendur greiði fyrir framkvæmdir á bílastæðum og salernisaðstöðu. Gert er ráð fyrir að gjald verði tekið fyrir bílastæði á svæðinu.
