Erlent

Smit á Nýja-Sjálandi en áfram opið fyrir ferðalög til Ástralíu

Gunnar Reynir Valþórsson skrifar
Auckland á Nýja-Sjálandi.
Auckland á Nýja-Sjálandi.

Starfsmaður á flugvellinum í Auckland á Nýja Sjálandi hefur verið greindur með kórónuveiruna, aðeins einum sólahring eftir að opnað var fyrir ferðalög á milli Nýja Sjálands og Ástralíu.

Jacinda Ardern forsætisráðherra landsins segir að smitið tengist því þó ekki á nokkurn hátt, heldur hafi starfsmaðurinn verið að hreinsa flugvél sem kom frá áhættusvæði þar sem smit eru útbreidd. 

Því hefur verið ákveðið að halda því áfram opnu að fólk geti ferðast óhindrað milli landanna tveggja án þess að þurfa að sæta sóttkví. 

Þúsundir farþega fóru á milli landanna í gær en í venjulegu árferði eru mikil tengsl þar á milli. 

Bæði löndin hafa fengið mikið lof fyrir hvernig þeim hefur tekist að hafa tök á faraldrinum, rúmlega níuhundruð manns hafa látist í Ástralíu og aðeins tuttugu og sex á Nýja Sjálandi.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.