Tveir greindust utan sótt­kvíar í gær

Þetta segir Hjördís Guðmundsdóttir, samskiptastjóri Almannavarna, í samtali við Vísi. Samkvæmt bráðabirgðatölum greindist þá einn með veiruna á landamærunum. Ekki liggur fyrir hvort viðkomandi var með mótefni eða ekki. 

Í fyrradag greindist einn hér á landi og var í sóttkví. Á fimmtudag greindist einn utan sóttkvíar og var það í síðasta skipti sem smit greindist utan sóttkvíar þar til í gær.

Covid.is, upplýsingasíða almannavarna og landlæknis um framgang kórónuveirufaraldursins hér á landi, er ekki uppfærð um helgar. Nánari upplýsingar um fjölda sýna, nýgengi og aðrar ítarlegar upplýsingar verða því aðgengilegar á vefnum klukkan ellefu á morgun.