Innlent

Gasmengun frá gosinu berst til höfuð­borgarinnar

Hallgerður Kolbrún E. Jónsdóttir skrifar
Gasmengun frá eldgosinu í Fagradalsfjalli hefur borist til höfuðborgarsvæðisins.
Gasmengun frá eldgosinu í Fagradalsfjalli hefur borist til höfuðborgarsvæðisins. Vísir/Vilhelm

Gasmengun frá eldgosinu í Fagradalsfjalli blæs nú yfir höfuðborgarsvæðið og flokkast loftgæði, samkvæmt mælingum Umhverfisstofnunar, miðlungsgóð til slæm. Loftgæðin eru hvað verst á suðausturhluta höfuðborgarsvæðisins og mælast rúm 200 míkrógrömm af brennisteinsgasi í Norðlingaholti.

Loftgæðin eru nokkuð betri á öðrum svæðum höfuðborgarsvæðisins en í Kópavogi mælist brennisteinsmengun um 150 míkrógrömm og um 180 míkrógrömm við Grensásveg. Annars staðar í borginni flokkast loftgæði sem góð eða mjög góð.

Vakthafandi veðurfræðingur á Veðurstofu Íslands segir loftgæðin í borginni ekki svo slæm. Þau hafi engin áhrif á heilsu fólks þrátt fyrir aukna brennisteinsmengun.

Veðurfræðingur segir að líklegt sé að mengunin aukist á höfuðborgarsvæðinu í dag en minnki svo í nótt og færist meira í átt til Keflavíkur og Voga.

Ekki sé nauðsynlegt að fólk loki gluggum en verði mengunin meiri og nái upp í 350 míkrógrömm verða tilmæli gefin út um að viðkvæmir fari með gát.

„Það þarf að fara yfir 600 míkrógrömm svo að viðkvæmir eigi að forðast að vera utandyra.“

Eldgos í Fagradalsfjalli
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið