Greiddi ungri kærustu miskabætur í fyrra en nú sjálfur bótaþegi Kolbeinn Tumi Daðason skrifar 8. apríl 2021 15:31 Karlmaðurinn var dæmdur fyrir ári til að greiða fyrrverandi kærustu sinni, sem þá var unglingsstúlka, 500 þúsund krónur í bætur. Nú fékk hann 250 þúsund krónur í miskabætur. Vísir/Vilhelm Karlmaður sem fyrir ári var dæmdur í þriggja mánaða skilorðsbundið fangelsi fyrir meðal annars að hóta unglingsstúlku að birta af henni nektarmyndir hefur fengið dæmdar 250 þúsund krónur í miskabætur frá íslenska ríkinu. Ástæðan var sú að lögregla rannsakaði síma hans án heimildar. Héraðsdómur Reykjavíkur kvað upp dóm sinn á þriðjudag. Forsaga málsins er sú að unglingsstúlkan og karlmaðurinn, sem var nokkrum árum eldri, höfðu verið par og sagði stúlkan aldursmuninn hafa gert vinskap þeirra óviðeigandi. Eftir að þau hættu saman fóru stúlkunni að berast skilaboð sem leiddu til þess að stúlkan kærði manninn. Sagðist á barmi taugaáfalls Skilaboðin voru send á tímabilinu september 2015 til mars 2016 þegar hún lagði fram kæruna. Fyrrverandi kærastinn væri að hóta birtingu nektarmynda og kúgaði hana með því að hóta því að fyrirvara sér. Hún lýsti því þannig að hún væri á barmi taugaáfalls. Skilaboðin sem kært var fyrir voru 38 og var karlmaðurinn dæmdur fyrir 22 þeirra. Þó kom fram í dómnum að ekkert benti til þess að hann hefði staðið við hótanir sínar og birt myndirnar. Þá hefði hann beðið stúlkuna afsökunar í skilaboðum árið 2017 og um leið lýst því yfir að hann myndi láta hana alveg í friði næstu mánuði. Leit Héraðsdómur Reykjaness til þess að langur tími leið frá því að brotin áttu sér stað og þar til ákæra var gefin út. Fór svo að karlmaðurinn fékk fyrrnefndan þriggja mánaða skilorðsbundinn dóm og var dæmdur til að greiða henni 500 þúsund krónur í bætur. Hann hefur nú fengið helminginn upp í þá upphæð til baka frá íslenska ríkinu. Eyddi spjalli þar sem kynfæri stúlkunnar sáust á mynd Ástæðan er sú að þegar karlmaðurinn var færður til skýrslutöku hjá lögreglu og farsími hans handlagður þar sem talið var að þar mætti finna sönnunargögn í málinu. Hann hefði viðurkennt að hafa myndir af stúlkunni í síma sínum og opnaði við það tækifæri spjall á milli hans og stúlkunnar, þar sem sjá mátti kynfæri stúlkunnar. Eyddi hann spjalli sínu við stúlkuna að viðstöddum rannsóknaraðilum og verjanda sínum. Þegar lögregla hugðist rannsaka símann nánar neitaði stefnandi að veita heimild til þess og gefa upp upplýsingar um aðgangsorð. Var símanum komið til tölvurannsóknardeildar þar sem hann var opnaður án dómsúrskurðar. Karlmaðurinn krafðist þess við héraðsdóm í framhaldinu að lögreglu yrði gert að aflétta haldlagningu símans. Þeirri kröfu var hafnað og staðfesti Hæstiréttur þann úrskurð. Í framhaldinu var svo gefin út ákæra á hendur manninum árið 2018 og dómur féll í janúar í fyrra. Stórfellt gáleysi og saknæm háttsemi Í skaðabótamáli mannsins féllst héraðsdómur á kröfu hans um að háttsemi lögreglu og fulltrúa Lögreglustjórans á Suðurnesjum að láta afrita gögn í síma karlmannsins og rannsaka án úrskurðar hefði verið saknæm. Um stórfellt gáleysi hefði verið að ræða. Ekki væri hægt að fallast á rök lögreglu að karlmaðurinn hafi sýnt af sér sök sjálfur með því að neita að afhenda símann til afritunar gagna. Þá væri ekki hægt að fallast á að sú staðreynd að karlmaðurinn hlaut dóm fyrir brot sitt kæmi í veg fyrir að hann ætti rétt á bótum. Voru þær metnar hæfilegar 250 þúsund krónur en hann hafði krafist 800 þúsund króna. Lögreglan Dómsmál Stafrænt ofbeldi Mest lesið Leikskólagjöld einstæðra foreldra í Reykjavík gætu allt að þrefaldast Innlent Minnst ellefu hundar drepist við Geirsnef: „Áfall að sjá dýrið sitt hlaupa í dauðann“ Innlent Heimilar banatilræði í Venesúela og íhugar árás Erlent Ítarlegar frásagnir af kynnum við „Andy“ í nýrri bók Giuffre Erlent Þingmenn misvel klæddir þegar þeir voru reknir út Innlent Fjöldi komst ekki út og brann lifandi Erlent Segir Indverja ætla að hætta að kaupa olíu af Rússum Erlent Meintur brennuvargur í haldi lögreglu Innlent Slökkvistarf stóð yfir í þrettán klukkutíma Innlent Við gætum farið að aka Sundabraut eftir sjö ár Innlent Fleiri fréttir Sérsveitin skarst í leikinn vegna Kourani á Kleppi Umboðsmaður snuprar stjórnvöld Einn vistaður vegna slagsmála ungmenna í Breiðholti Leggjast gegn hlutfallslækkun stuðnings við einkarekna fjölmiðla Slökkvistarf stóð yfir í þrettán klukkutíma Leikskólagjöld einstæðra foreldra í Reykjavík gætu allt að þrefaldast Minnst ellefu hundar drepist við Geirsnef: „Áfall að sjá dýrið sitt hlaupa í dauðann“ Við gætum farið að aka Sundabraut eftir sjö ár Þingmenn misvel klæddir þegar þeir voru reknir út Meintur brennuvargur í haldi lögreglu Réðst með hnífi á fanga á Litla-Hrauni Norrænir bankar skoði hvort breyta þurfi skilmálum vegna dómsins Fimmtíu ný störf í Bláskógabyggð vegna nýs baðlóns Lífeyrissjóðs-, bíla- og neytendalán gætu líka reynst ólögleg Segir óvirðingu að kalla Ljósið „samtök úti í bæ“ Áhrif vaxtamálsins, útlit Sundabrautar og þingmenn á hlaupum Vill að Þórunn tilnefni Trump til friðarverðlauna Nóbels Sóttur sex sinnum á sjúkrabíl og slökkviliðið stefnir vegna skuldar Greip inn í þegar aldraður faðir hans keypti bíl handa vinkonu sinni Gummi Emil sver af sér ásakanir um dýraníð: „Ég bað hestinn afsökunar“ Biðtíminn sé dauðans alvara sem auki álag ofan í áfallið Álag á bráðamóttöku og fólk beðið um að leita annað Sigríður Andersen nýr þingflokksformaður Miðflokksins Karlmaður í haldi vegna gruns um brot gegn barni í Hafnarfirði Bankinn hefur samband ef hann skuldar þér pening Mál leiðbeinandans á Múlaborg á leið til héraðssaksóknara „Það er allt svart þarna inni“ Ekki láglaunakvenna að axla ábyrgð á innleiðingu kynjajafnréttis Íslandsbanki ætlar að hafa frumkvæði að endurgreiðslu til kúnna Lést samstundis þegar ekið var á hana á 143 kílómetra hraða Sjá meira
Ástæðan var sú að lögregla rannsakaði síma hans án heimildar. Héraðsdómur Reykjavíkur kvað upp dóm sinn á þriðjudag. Forsaga málsins er sú að unglingsstúlkan og karlmaðurinn, sem var nokkrum árum eldri, höfðu verið par og sagði stúlkan aldursmuninn hafa gert vinskap þeirra óviðeigandi. Eftir að þau hættu saman fóru stúlkunni að berast skilaboð sem leiddu til þess að stúlkan kærði manninn. Sagðist á barmi taugaáfalls Skilaboðin voru send á tímabilinu september 2015 til mars 2016 þegar hún lagði fram kæruna. Fyrrverandi kærastinn væri að hóta birtingu nektarmynda og kúgaði hana með því að hóta því að fyrirvara sér. Hún lýsti því þannig að hún væri á barmi taugaáfalls. Skilaboðin sem kært var fyrir voru 38 og var karlmaðurinn dæmdur fyrir 22 þeirra. Þó kom fram í dómnum að ekkert benti til þess að hann hefði staðið við hótanir sínar og birt myndirnar. Þá hefði hann beðið stúlkuna afsökunar í skilaboðum árið 2017 og um leið lýst því yfir að hann myndi láta hana alveg í friði næstu mánuði. Leit Héraðsdómur Reykjaness til þess að langur tími leið frá því að brotin áttu sér stað og þar til ákæra var gefin út. Fór svo að karlmaðurinn fékk fyrrnefndan þriggja mánaða skilorðsbundinn dóm og var dæmdur til að greiða henni 500 þúsund krónur í bætur. Hann hefur nú fengið helminginn upp í þá upphæð til baka frá íslenska ríkinu. Eyddi spjalli þar sem kynfæri stúlkunnar sáust á mynd Ástæðan er sú að þegar karlmaðurinn var færður til skýrslutöku hjá lögreglu og farsími hans handlagður þar sem talið var að þar mætti finna sönnunargögn í málinu. Hann hefði viðurkennt að hafa myndir af stúlkunni í síma sínum og opnaði við það tækifæri spjall á milli hans og stúlkunnar, þar sem sjá mátti kynfæri stúlkunnar. Eyddi hann spjalli sínu við stúlkuna að viðstöddum rannsóknaraðilum og verjanda sínum. Þegar lögregla hugðist rannsaka símann nánar neitaði stefnandi að veita heimild til þess og gefa upp upplýsingar um aðgangsorð. Var símanum komið til tölvurannsóknardeildar þar sem hann var opnaður án dómsúrskurðar. Karlmaðurinn krafðist þess við héraðsdóm í framhaldinu að lögreglu yrði gert að aflétta haldlagningu símans. Þeirri kröfu var hafnað og staðfesti Hæstiréttur þann úrskurð. Í framhaldinu var svo gefin út ákæra á hendur manninum árið 2018 og dómur féll í janúar í fyrra. Stórfellt gáleysi og saknæm háttsemi Í skaðabótamáli mannsins féllst héraðsdómur á kröfu hans um að háttsemi lögreglu og fulltrúa Lögreglustjórans á Suðurnesjum að láta afrita gögn í síma karlmannsins og rannsaka án úrskurðar hefði verið saknæm. Um stórfellt gáleysi hefði verið að ræða. Ekki væri hægt að fallast á rök lögreglu að karlmaðurinn hafi sýnt af sér sök sjálfur með því að neita að afhenda símann til afritunar gagna. Þá væri ekki hægt að fallast á að sú staðreynd að karlmaðurinn hlaut dóm fyrir brot sitt kæmi í veg fyrir að hann ætti rétt á bótum. Voru þær metnar hæfilegar 250 þúsund krónur en hann hafði krafist 800 þúsund króna.
Lögreglan Dómsmál Stafrænt ofbeldi Mest lesið Leikskólagjöld einstæðra foreldra í Reykjavík gætu allt að þrefaldast Innlent Minnst ellefu hundar drepist við Geirsnef: „Áfall að sjá dýrið sitt hlaupa í dauðann“ Innlent Heimilar banatilræði í Venesúela og íhugar árás Erlent Ítarlegar frásagnir af kynnum við „Andy“ í nýrri bók Giuffre Erlent Þingmenn misvel klæddir þegar þeir voru reknir út Innlent Fjöldi komst ekki út og brann lifandi Erlent Segir Indverja ætla að hætta að kaupa olíu af Rússum Erlent Meintur brennuvargur í haldi lögreglu Innlent Slökkvistarf stóð yfir í þrettán klukkutíma Innlent Við gætum farið að aka Sundabraut eftir sjö ár Innlent Fleiri fréttir Sérsveitin skarst í leikinn vegna Kourani á Kleppi Umboðsmaður snuprar stjórnvöld Einn vistaður vegna slagsmála ungmenna í Breiðholti Leggjast gegn hlutfallslækkun stuðnings við einkarekna fjölmiðla Slökkvistarf stóð yfir í þrettán klukkutíma Leikskólagjöld einstæðra foreldra í Reykjavík gætu allt að þrefaldast Minnst ellefu hundar drepist við Geirsnef: „Áfall að sjá dýrið sitt hlaupa í dauðann“ Við gætum farið að aka Sundabraut eftir sjö ár Þingmenn misvel klæddir þegar þeir voru reknir út Meintur brennuvargur í haldi lögreglu Réðst með hnífi á fanga á Litla-Hrauni Norrænir bankar skoði hvort breyta þurfi skilmálum vegna dómsins Fimmtíu ný störf í Bláskógabyggð vegna nýs baðlóns Lífeyrissjóðs-, bíla- og neytendalán gætu líka reynst ólögleg Segir óvirðingu að kalla Ljósið „samtök úti í bæ“ Áhrif vaxtamálsins, útlit Sundabrautar og þingmenn á hlaupum Vill að Þórunn tilnefni Trump til friðarverðlauna Nóbels Sóttur sex sinnum á sjúkrabíl og slökkviliðið stefnir vegna skuldar Greip inn í þegar aldraður faðir hans keypti bíl handa vinkonu sinni Gummi Emil sver af sér ásakanir um dýraníð: „Ég bað hestinn afsökunar“ Biðtíminn sé dauðans alvara sem auki álag ofan í áfallið Álag á bráðamóttöku og fólk beðið um að leita annað Sigríður Andersen nýr þingflokksformaður Miðflokksins Karlmaður í haldi vegna gruns um brot gegn barni í Hafnarfirði Bankinn hefur samband ef hann skuldar þér pening Mál leiðbeinandans á Múlaborg á leið til héraðssaksóknara „Það er allt svart þarna inni“ Ekki láglaunakvenna að axla ábyrgð á innleiðingu kynjajafnréttis Íslandsbanki ætlar að hafa frumkvæði að endurgreiðslu til kúnna Lést samstundis þegar ekið var á hana á 143 kílómetra hraða Sjá meira