Gasmökkurinn sést greinilega frá Ægissíðunni í Vesturbæ Reykjavíkur.Vísir/Sigurður Stefán
Íbúar í Vogum eru hvattir til að loka gluggum og kynda húsin sín vegna gasmengunar frá eldgosinu í Geldingadölum sem liggur nú yfir byggðinni.
Brennisteinsmengunin mælist um 217,8 µg/m³ en gasið berst úr suðri vegna suðaustanáttar. Fram kemur í tilkynningu frá Veðurstofu að vindinn fari að lægja um miðnætti og verði breytileg átt í fyrramálið.
Gosmökkurinn frá Geldingadölum.Aðsend/Bjarni Þór
Fréttastofu hafa borist símtöl um að þykkan gosmökk megi sjá yfir Vogum.
Finna má upplýsingar um loftgæði á svæðinu hér og brennisteinsmengunarspá Veðurstofunnar hér.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
