Innlent

Sex greindust innan­lands og einn utan sótt­kvíar

Atli Ísleifsson skrifar
20.733 eru nú fullbólusettir hér á landi og er bólusetning hafin hjá 18.900 til viðbótar.
20.733 eru nú fullbólusettir hér á landi og er bólusetning hafin hjá 18.900 til viðbótar. Vísir/Vilhelm

Sex greindust með kórónuveiruna innan­lands í gær. Fimm þeirra sem greindust voru í sóttkví, en einn utan sóttkvíar.

Þetta kemur fram í uppfærðum tölum á Covid.is. 95 eru nú í einangrun, samanborið við 89 í gær. 1.279 eru nú í sóttkví, en voru 695 í gær. 869 eru nú í skimunarsóttkví. Þá er enginn á sjúkrahúsi vegna Covid-19, en það var einn í gær.

Enginn greindist á landamærunum.

Alls hafa því 37 greinst með veiruna innanlands síðan á sunnudag og þar af sjö utan sóttkvíar.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 10,9, en var 9,3 í gær. Nýgengi á smiti á landamærum er nú 13,4, en var 13,9 í gær.

20.733 eru nú fullbólusettir hér á landi og er bólusetning hafin hjá 18.900 til viðbótar.

6.158 manns hafa nú greinst með kórónuveiruna hér á landi frá því faraldurinn hófst í lok febrúar. Þá hafa 29 dauðsföll verið rakin til Covid-19 á Íslandi frá upphafi faraldursins.

Fréttin hefur verið uppfærð. 

Faraldur kórónuveiru (COVID-19)
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið