Körfubolti

Átti sinn langbesta leik í vetur eftir gönguferð upp að gosinu í Geldingadal

Óskar Ófeigur Jónsson skrifar
Calvin Burks yngri fékk greinilega kraft frá gosinu í Geldingadal ef marka má frammistöðu hans á mánudagskvöldið.
Calvin Burks yngri fékk greinilega kraft frá gosinu í Geldingadal ef marka má frammistöðu hans á mánudagskvöldið. Samsett/Hulda Margrét og Vilhelm

Bandaríski bakvörðurinn Calvin Burks var óstöðvandi í Grindavík í gær þegar topplið Keflavík rúllaði upp nágrönnum sínum.

Calvin Burks yngri hefur ekki spilað betur á tímabilinu en í þessum 33 stiga sigri Keflvíkinga en hann var með 28 stig, 8 fráköst og 9 stoðsendingar á tæpum 30 mínútum í leiknum.

Calvin Burks hitti úr 10 af 15 skotum sínum þar af 5 af 7 skotum fyrir utan þriggja stiga línuna. Hann endaði með 39 framlagsstig.

Guðmundur Benediktsson var að lýsa leiknum á Stöð 2 Sport í gær og hann hleraði það að Calvin Burks hafi skellt sér í góða gönguferð upp að gígnum í Geldingadal um helgina.

Burks staðfesti síðan þetta í viðtali við Svala Björgvinsson eftir leikinn. Hann sagði það hafa verið magnaða upplifun og það er ekki hægt að sjá annað en krafturinn úr gosinu hafi skilað sér í leik Calvins í gær.

Burks hafði mest áður skorað 24 stig í einum leik og mest fengið 28 framlagsstig í einum leik.

Flest stig Calvin Burks í einum leik í Domino´s deildinni í vetur:

  • 28 stig á móti Grindavík 22. mars
  • 24 stig á móti Þór Þorl. 15. janúar
  • 21 stig á móti Tindastól 7. febrúar
  • 21 stig á móti Þór Ak. 4. mars
  • 20 stig á móti Þór Ak. 6. október
  • 20 stig á móti Grindavík 25. janúar
  • 20 stig á móti Þór Þorl. 7. mars

Flest framlagsstig Calvin Burks í einum leik í Domino´s deildinni í vetur:

  • 39 framlagsstig á móti Grindavík 22. mars
  • 28 framlagsstig á móti Þór Þorl. 15. janúar
  • 26 framlagsstig á móti Þór Ak. 6. október
  • 26 framlagsstig á móti Grindavík 25. janúar
  • 24 framlagsstig stig á móti Tindastól 7. febrúar
  • 23 framlagsstig á móti Þór Þorl. 7. mars

Flestar þriggja stiga körfur Calvin Burks í einum leik í Domino´s deildinni í vetur:

  • 5 þristar á móti Grindavík 22. mars
  • 4 þristar á móti Þór Ak. 6. október
  • 4 þristar á móti Þór Þorl. 15. janúar

Flestar stoðsendingar Calvin Burks í einum leik í Domino´s deildinni í vetur:

  • 10 stoðsendingar á móti Þór Ak. 6. október
  • 9 stoðsendingar á móti Grindavík 22. mars
  • 5 stoðsendingar á móti KR 5. febrúar
Dominos-deild karla Keflavík ÍF Eldgos í Fagradalsfjalli

Mest lesið


Fleiri fréttir

Sjá meira


×

Mest lesið