Innlent

Kæra til lög­reglu í vinnslu eftir að starfs­maður Sól­túns braut trúnað

Sylvía Hall skrifar
Upplýsingarnar varða náin ættingja Ölmu Möller landlæknis.
Upplýsingarnar varða náin ættingja Ölmu Möller landlæknis. Vísir/Vilhelm - Já.is

Hjúkrunarheimilið Sóltún hefur tilkynnt trúnaðarbrot starfsmanns til Persónuverndar og Embættis landlæknis. Málið varðar einn íbúa á hjúkrunarheimilinu og er kæra til lögreglu í vinnslu.

Þetta kemur fram í yfirlýsingu frá hjúkrunarheimilinu. Þar segir að um afmarkað tilvik sé að ræða og hafa hlutaðeigandi verið upplýstir um málið. Sóltún harmi atvikið sem hafi reynst þungbært og mun ekki tjá sig um málið á meðan það er til rannsóknar.

Upplýsingarnar sem um ræðir eru úr sjúkraskrá heimilismanns og hafa verið í dreifingu á samfélagsmiðlum. Varða þær ættingja Ölmu Möller landlæknis, en það er jafnframt tiltekið í svari Persónuverndar við fyrirspurn Fréttablaðsins um málið. 

Því hafi landlæknir óskað eftir því að staðgengill verði settur á meðan málið er til meðferðar hjá embættinu.

Heilbrigðismál Persónuvernd
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið