Lífið

„Fótboltastrákarnir á Akureyri hata mig, en ég hata þá alveg líka“

Stefán Árni Pálsson skrifar
Patrekur Jaime er í opinskáu viðtali í Einkalífinu í þessari viku.
Patrekur Jaime er í opinskáu viðtali í Einkalífinu í þessari viku. Vísir/vilhelm

Patrekur Jaime hefur slegið í gegn í raunveruleikaþáttunum Æði á Stöð2+ en á dögunum lauk 2. seríu af þáttunum.

Patrekur er gestur vikunnar í Einkalífinu. Patrekur er ættaður að norðan og gerði sér mjög fljótlega grein fyrir því sem ungur maður að hann væri samkynhneigður. Hann segist hafa stundum fengið að kenna á því í grunnskóla og hafi það verið út af því hvernig hann leit út og hagaði séð.

„Ég get samt ekki sagt að ég hafi verið lagður í einelti og ég var sjálfur mikið að stríða og var alls ekki besta barnið,“ segir Patrekur og heldur áfram.

Klippa: Einkalífið - Patrekur Jaime

„Ég upplifði alveg fordóma þegar ég var yngri, á yngsta stiginu. Ég er með tvö útlensk nöfn og aðeins dekkri en flestir aðrir í skólanum mínum. Svo hef ég alltaf verið kvenlegri og alltaf verið mjög kvenlegur og maður fann alveg fyrir því. Fótboltastrákarnir á Akureyri hata mig, en ég hata þá alveg líka,“ segir Patrekur sem tók hlutunum oft ekki nærri sér.

„Mér finnst einelti svo stórt orð og ég vil ekki nota það en það komu einhver tímabil þar sem manni leið sjúklega illa. Ég var alveg hjá skólasálfræðing frá 7.bekk þangað til að ég útskrifaðist.“ Patrekur ræður um æskuna þegar um 11 mínútur eru liðnar af þættinum.

Í þættinum hér að ofan ræðir Patrekur einnig um þættina Æði, fjölskylduna sína bæði hér heima og úti í Síle, áhuga hans á raunveruleikaþáttum, hvernig hann tekst á við ljótar athugasemdir á samfélagsmiðlum og margt fleira.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.