Tveir greinst utan sóttkvíar og smitrakning teygir sig til tónleika í Hörpu Elín Margrét Böðvarsdóttir skrifar 7. mars 2021 16:17 Harpa tónlistarhús. Vísir/Vilhelm Alls hafa tveir einstaklingar greinst með covid-19 innanlands síðustu daga sem voru utan sóttkvíar. Báðir hinna smituðu tengjast óbeint einstaklingi sem kom frá útlöndum og greindist jákvæður fyrir kórónuveirunni í seinni skimun þann 4. mars. Þá nær smitrakning einnig til tónleika sem fram fóru í Hörpu á föstudaginn. Þetta kemur fram í tilkynningu frá almannavarnadeild ríkislögreglustjóra. Boðað hefur verið til upplýsingafundar sem hefst klukkan fimm í dag. Vísir greindi frá því fyrr í dag að í gær hafi starfsmaður Landspítala greinst með covid-19 og er gengið út frá því að viðkomandi sé með breska afbrigðið svokallaða. „Búið er að raðgreina upprunalega smitið og eitt afleitt smit og bæði reyndust með hið svokallaða breska afbrigði. Íslensk Erfðagreining vinnur nú að raðgreiningu fleiri sýna. Líklega munu nokkrir tugir manna þurfa að fara í sóttkví vegna ofangreindra smita. Eitt af þessum smitum tengist dag- og göngudeild Landspítala og er smitrakning og sýnataka í gangi þar. Hluta deildarinnar hefur verið lokað en að öðru leiti er ekki gert ráð fyrir að smitið muni hafa frekari áhrif á starfsemi spítalans, eins og staðan er. Ríflega þrjátíu einstaklingar, sjúklingar og starfsmenn eru komnir í sóttkví í tengslum við smitið,“ segir meðal annars í tilkynningunni. Skimun fyrir tónleikagesti fyrirhuguð Þá nær smitrakning einnig til tónleika sem fram fóru í Hörpu á föstudaginn klukkan átta, en samkvæmt upplýsingum fréttastofu var um að ræða tónleika með píanóleikaranum Víkingi Heiðari Ólafssyni. „Smitrakning nær einnig til tónleika í Hörpu 5. mars sem hófust klukkan 20:00 en þar eru einstaklingar skráðir í sæti sem auðveldar smitrakningu. Um tíu þeirra sem næst sátu einstaklingnum eru komnir í sóttkví. Á morgun, mánudag 8. mars, er fyrirhuguð skimun á öllum tónleikagestum. Þeir sem ætla að mæta í skimun í tengslum við tónleikana verða að bóka tíma í gegnum Mínar síður á Heilsuvera.is og velja þar „Tónleikagestur í Hörpu 5. Mars 2021.“ Þeir sem skrá sig fá sent strikamerki og tímasetningu fyrir skimun. Allir tónleikagestir eru eindregið hvattir til að mæta í skimun og jafnframt að huga vel að persónulegum smitvörnum og að takmarka samskipti við aðra þangað til að niðurstaða úr skimun liggur fyrir,“ segir í ennfremur tilkynningu frá almannavörnum. Harpa biðlar til tónleikagesta að mæta í skimun Í tilkynningu frá Hörpu segir að um leið og smit var rakið til gests sem sótti tónleika í Eldborgarsal á föstudagskvöldið hafi gengið hratt fyrir sig að kortleggja alla sem sátu nálægt viðkomandi og því auðveldara að rekja mögulega smithættu. Allir hafi setið í númeruðum sætum. „Það var mat rakningarteymis almannavarna að strangar sóttvarnarreglur og ábyrg framkvæmd viðburða í Hörpu geri það að verkum að einungis 10 einstaklingar sem sátu næst einstaklinginum þurftu að fara í sóttkví. Sem varúðarráðstöfun er verið nú að biðla til allra gesta á tónleikunum um að koma í skimun á mánudag. Ráðstafanir Hörpu varðandi ábyrgt viðburðahald á tímum covid eru margþættar. Þeirra á meðal eru vel skilgreind sóttvarnarhólf með aðskildum inngöngum og snyrtingum, stjórn á flæði fólks eins og við verður komið, allir gestir eru skráðir á kennitölu og símanúmer í númeruð sæti, skilyrðislaus grímunotkun, markviss upplýsingamiðlun til gesta, góð loftræsting, snertifletir eru sótthreinsaðir á milli viðburða og almenn þrif aukin. Persónubundnar sóttvarnir sem hver og einn ber ábyrgð eru svo lykilinn að því að hægt er að halda mikilvæga menningarviðburði þrátt fyrir að enn greinist stök tilfelli af covid-19 í samfélaginu. Þetta tilfelli sýnir mikilvægi þess að allir fylgi vel sóttvarnarreglum og stuðli þannig að ábyrgu viðburðahaldi. Eftir samráð við almannavarnir er ekki talin ástæða til að breyta neinu ekki hafa áhrif á viðburði sem eru framundan í Hörpu,“ segir í tilkynningunni frá Hörpu. Fréttin hefur verið uppfærð. Faraldur kórónuveiru (COVID-19) Harpa Mest lesið Stóra tjaldið fellt og hætt við brennuna vegna óveðurs Innlent Klíndu límmiðum á Ormsson sem versla ekki einu sinni við Rapyd Innlent „Manneskja sem er komin á þetta plan hlýtur að vera rökþrota“ Innlent Þjóðhátíðargestum hleypt inn í Herjólfshöll meðan veðrið gengur yfir Innlent Breyti engu á jörðu niðri að viðurkenna sjálfstæði Palestínu Erlent Fjölskyldufaðir stunginn meðan sonurinn horfði á Innlent Læti í miðbænum og í veðrinu Innlent Opnun Samverks á Hellu fagnað Innlent Þjóðarpúls Gallups: Kristrún og Þorgerður gætu myndað meirihluta án Flokks fólksins Innlent Trump ræsir út kjarnorkukafbáta eftir „ögrandi“ ummæli Rússa Erlent Fleiri fréttir Læti í miðbænum og í veðrinu Stóra tjaldið fellt og hætt við brennuna vegna óveðurs Þjóðhátíðargestum hleypt inn í Herjólfshöll meðan veðrið gengur yfir Klíndu límmiðum á Ormsson sem versla ekki einu sinni við Rapyd Opnun Samverks á Hellu fagnað „Manneskja sem er komin á þetta plan hlýtur að vera rökþrota“ Þjóðarpúls Gallups: Kristrún og Þorgerður gætu myndað meirihluta án Flokks fólksins „Ég upplifi þetta sem mikinn yfirgang og ofbeldi“ Íbúar við Þjórsá æfir og þrumuveður um Versló Handtekinn með reipi um hálsinn eftir ofsaakstur á flugbraut undir áhrifum fíkniefna Búast við þrumuveðri og vatnavöxtum Ný verðskrá kindakjöts vonbrigði fyrir sauðfjárbændur Sagði foreldrana líklega hafa dottið í aðdraganda andlátsins Fjölskyldufaðir stunginn meðan sonurinn horfði á Fundu engan hvítabjörn Hraunbreiðan þykknar og líkur á framhlaupum aukast „Hann skilar algjörlega auðu í náttúruverndarmálum“ Þjóðhátíð í Eyjum: Farþegafjöldi í Herjólfi komi á óvart Skýrara hvar besta veðrið verður um helgina Vann skemmdir á golfvelli og skildi eftir smokk Trump hækkar tolla á Ísland og viðbúnaður á Þjóðhátíð Þyrlan farin vestur í hvítabjarnareftirlit Fékk sex milljónum of há laun og neitaði að endurgreiða þau Annasamt ár á Bessastöðum: Kóngafólk, keisari, umtöluð undirskrift og brúnir skór Áhrifin af stöðvunarkröfunni óveruleg Mengun gæti borist á Snæfellsnes og Vestfirði Hlutum kastað til í verslun og könnu í bílrúðu Óheppilegt ef fölsk mynd varpar sök á saklausan mann Skiptar skoðanir um umfang og kostnað vegna listaverks Ólafs í Eyjum Sakar sveitastjórann um atvinnuróg og „kæfandi klámhögg“ Sjá meira
Þetta kemur fram í tilkynningu frá almannavarnadeild ríkislögreglustjóra. Boðað hefur verið til upplýsingafundar sem hefst klukkan fimm í dag. Vísir greindi frá því fyrr í dag að í gær hafi starfsmaður Landspítala greinst með covid-19 og er gengið út frá því að viðkomandi sé með breska afbrigðið svokallaða. „Búið er að raðgreina upprunalega smitið og eitt afleitt smit og bæði reyndust með hið svokallaða breska afbrigði. Íslensk Erfðagreining vinnur nú að raðgreiningu fleiri sýna. Líklega munu nokkrir tugir manna þurfa að fara í sóttkví vegna ofangreindra smita. Eitt af þessum smitum tengist dag- og göngudeild Landspítala og er smitrakning og sýnataka í gangi þar. Hluta deildarinnar hefur verið lokað en að öðru leiti er ekki gert ráð fyrir að smitið muni hafa frekari áhrif á starfsemi spítalans, eins og staðan er. Ríflega þrjátíu einstaklingar, sjúklingar og starfsmenn eru komnir í sóttkví í tengslum við smitið,“ segir meðal annars í tilkynningunni. Skimun fyrir tónleikagesti fyrirhuguð Þá nær smitrakning einnig til tónleika sem fram fóru í Hörpu á föstudaginn klukkan átta, en samkvæmt upplýsingum fréttastofu var um að ræða tónleika með píanóleikaranum Víkingi Heiðari Ólafssyni. „Smitrakning nær einnig til tónleika í Hörpu 5. mars sem hófust klukkan 20:00 en þar eru einstaklingar skráðir í sæti sem auðveldar smitrakningu. Um tíu þeirra sem næst sátu einstaklingnum eru komnir í sóttkví. Á morgun, mánudag 8. mars, er fyrirhuguð skimun á öllum tónleikagestum. Þeir sem ætla að mæta í skimun í tengslum við tónleikana verða að bóka tíma í gegnum Mínar síður á Heilsuvera.is og velja þar „Tónleikagestur í Hörpu 5. Mars 2021.“ Þeir sem skrá sig fá sent strikamerki og tímasetningu fyrir skimun. Allir tónleikagestir eru eindregið hvattir til að mæta í skimun og jafnframt að huga vel að persónulegum smitvörnum og að takmarka samskipti við aðra þangað til að niðurstaða úr skimun liggur fyrir,“ segir í ennfremur tilkynningu frá almannavörnum. Harpa biðlar til tónleikagesta að mæta í skimun Í tilkynningu frá Hörpu segir að um leið og smit var rakið til gests sem sótti tónleika í Eldborgarsal á föstudagskvöldið hafi gengið hratt fyrir sig að kortleggja alla sem sátu nálægt viðkomandi og því auðveldara að rekja mögulega smithættu. Allir hafi setið í númeruðum sætum. „Það var mat rakningarteymis almannavarna að strangar sóttvarnarreglur og ábyrg framkvæmd viðburða í Hörpu geri það að verkum að einungis 10 einstaklingar sem sátu næst einstaklinginum þurftu að fara í sóttkví. Sem varúðarráðstöfun er verið nú að biðla til allra gesta á tónleikunum um að koma í skimun á mánudag. Ráðstafanir Hörpu varðandi ábyrgt viðburðahald á tímum covid eru margþættar. Þeirra á meðal eru vel skilgreind sóttvarnarhólf með aðskildum inngöngum og snyrtingum, stjórn á flæði fólks eins og við verður komið, allir gestir eru skráðir á kennitölu og símanúmer í númeruð sæti, skilyrðislaus grímunotkun, markviss upplýsingamiðlun til gesta, góð loftræsting, snertifletir eru sótthreinsaðir á milli viðburða og almenn þrif aukin. Persónubundnar sóttvarnir sem hver og einn ber ábyrgð eru svo lykilinn að því að hægt er að halda mikilvæga menningarviðburði þrátt fyrir að enn greinist stök tilfelli af covid-19 í samfélaginu. Þetta tilfelli sýnir mikilvægi þess að allir fylgi vel sóttvarnarreglum og stuðli þannig að ábyrgu viðburðahaldi. Eftir samráð við almannavarnir er ekki talin ástæða til að breyta neinu ekki hafa áhrif á viðburði sem eru framundan í Hörpu,“ segir í tilkynningunni frá Hörpu. Fréttin hefur verið uppfærð.
Faraldur kórónuveiru (COVID-19) Harpa Mest lesið Stóra tjaldið fellt og hætt við brennuna vegna óveðurs Innlent Klíndu límmiðum á Ormsson sem versla ekki einu sinni við Rapyd Innlent „Manneskja sem er komin á þetta plan hlýtur að vera rökþrota“ Innlent Þjóðhátíðargestum hleypt inn í Herjólfshöll meðan veðrið gengur yfir Innlent Breyti engu á jörðu niðri að viðurkenna sjálfstæði Palestínu Erlent Fjölskyldufaðir stunginn meðan sonurinn horfði á Innlent Læti í miðbænum og í veðrinu Innlent Opnun Samverks á Hellu fagnað Innlent Þjóðarpúls Gallups: Kristrún og Þorgerður gætu myndað meirihluta án Flokks fólksins Innlent Trump ræsir út kjarnorkukafbáta eftir „ögrandi“ ummæli Rússa Erlent Fleiri fréttir Læti í miðbænum og í veðrinu Stóra tjaldið fellt og hætt við brennuna vegna óveðurs Þjóðhátíðargestum hleypt inn í Herjólfshöll meðan veðrið gengur yfir Klíndu límmiðum á Ormsson sem versla ekki einu sinni við Rapyd Opnun Samverks á Hellu fagnað „Manneskja sem er komin á þetta plan hlýtur að vera rökþrota“ Þjóðarpúls Gallups: Kristrún og Þorgerður gætu myndað meirihluta án Flokks fólksins „Ég upplifi þetta sem mikinn yfirgang og ofbeldi“ Íbúar við Þjórsá æfir og þrumuveður um Versló Handtekinn með reipi um hálsinn eftir ofsaakstur á flugbraut undir áhrifum fíkniefna Búast við þrumuveðri og vatnavöxtum Ný verðskrá kindakjöts vonbrigði fyrir sauðfjárbændur Sagði foreldrana líklega hafa dottið í aðdraganda andlátsins Fjölskyldufaðir stunginn meðan sonurinn horfði á Fundu engan hvítabjörn Hraunbreiðan þykknar og líkur á framhlaupum aukast „Hann skilar algjörlega auðu í náttúruverndarmálum“ Þjóðhátíð í Eyjum: Farþegafjöldi í Herjólfi komi á óvart Skýrara hvar besta veðrið verður um helgina Vann skemmdir á golfvelli og skildi eftir smokk Trump hækkar tolla á Ísland og viðbúnaður á Þjóðhátíð Þyrlan farin vestur í hvítabjarnareftirlit Fékk sex milljónum of há laun og neitaði að endurgreiða þau Annasamt ár á Bessastöðum: Kóngafólk, keisari, umtöluð undirskrift og brúnir skór Áhrifin af stöðvunarkröfunni óveruleg Mengun gæti borist á Snæfellsnes og Vestfirði Hlutum kastað til í verslun og könnu í bílrúðu Óheppilegt ef fölsk mynd varpar sök á saklausan mann Skiptar skoðanir um umfang og kostnað vegna listaverks Ólafs í Eyjum Sakar sveitastjórann um atvinnuróg og „kæfandi klámhögg“ Sjá meira