Erlent

Blóðug átök í Mjanmar

Gunnar Reynir Valþórsson skrifar
Mótmælendur flytja slasaðan félaga sinn á sjúkrahús sem særðist í skothríð lögreglu og hersins.
Mótmælendur flytja slasaðan félaga sinn á sjúkrahús sem særðist í skothríð lögreglu og hersins. Getty/Kaung Zaw Hein

Að minnsta kosti átján dóu í aðgerðum lögreglu í Mjanmar gegn mótmælendum í gær en átökin eru þau blóðugustu í landinu hingað til eftir að herinn tók þar öll völd á dögunum.

Mótmælt var í fjölda borga og dreifðist mannfallið á þær, dauðsföll hafa verið tilkynnt í Yangon, Dawei og Mandalay en lögregla hefur beitt skotvopnum og táragasi gegn mótmælendum.

Yfirvöld höfðu varað mótmælendur við því að harðar yrði tekið á andófi um helgina og á laugardag var látið til skarar skríða eftir margra vikna mótmæli, sem að mestu leyti hafa verið friðsöm, með nokkrum undantekningum þó.

Auk þeirra átján sem létu lífið eru að minnsta kosti þrjátíu særð að því er mannréttindaskrifstofa Sameinuðu þjóðanna segir, en erfiðlega gengur að fá áreiðanlegar fréttir frá landinu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×