Norðmenn keppa á fyrra undanúrslitakvöldinu í Rotterdam í Hollandi þann 18. maí.
Úrslitin fóru fram í kvöld en mikið var lagt í undankeppnina í ár. Undankeppnin spannaði fimm vikur og var það á endanum TIX sem varð hlutskarpastur.
TIX er 27 ára gamall tónlistarmaður frá Bærum í Noregi, en hann heitir í raun Andreas Haukeland. Hann tók upp listamannanafnið TIX sem skírskotun í Tourette-heilkennið sem veldur oft kækjum, sem á ensku kallast tics, en hann er sjálfur með Tourette.
Hér að neðan má sjá flutning hans á laginu sem keppir fyrir hönd Norðmanna í ár.
