Enski boltinn

Spurs skellir 150 milljóna punda verðmiða á Kane

Ingvi Þór Sæmundsson skrifar
Harry Kane er einn markahæsti leikmaður í sögu Tottenham.
Harry Kane er einn markahæsti leikmaður í sögu Tottenham. getty/Tottenham Hotspur

Tottenham hefur sett 150 milljóna punda verðmiða á framherjann Harry Kane. Hann hefur meðal annars verið orðaður við Manchester-liðin, United og City.

Tottenham vill að sjálfsögðu halda sínum besta leikmanni en gæti freistast til að selja hann ef eitthvað félag borgar 150 milljóna verðmiðann sem Daniel Levy, stjórnarformaður Spurs, hefur sett á enska landsliðsfyrirliðann.

Tottenham þarf að borga af lánum af nýja leikvanginum sem hefur verið tómur í að verða í ár og því gætu 150 milljónirnar sem félagið vill fá fyrir Kane komið sér vel.

Kane er með um tvö hundruð þúsund pund í vikulaun sem félög á borð við City og United geta hæglega toppað. Samningur Kanes við Tottenham rennur út 2024.

Ef eitthvað félag borgar 150 milljóna punda verðmiðann á Kane verður hann þriðji dýrasti leikmaður sögunnar á eftir Neymar og Kylian Mbappé.

Kane, sem er 27 ára, hefur skorað 21 mark fyrir Tottenham á tímabilinu. Liðinu hefur gengið illa að undanförnu og er í 9. sæti ensku úrvalsdeildarinnar.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.