Innlent

Mannslát í Reykjavík til rannsóknar og einn í haldi

Nadine Guðrún Yaghi, Hallgerður Kolbrún E. Jónsdóttir og Vésteinn Örn Pétursson skrifa
Tæknideild lögreglu að störfum skammt frá vettvangi. Húsin á myndinni tengjast ekki málinu sem er til rannsóknar.
Tæknideild lögreglu að störfum skammt frá vettvangi. Húsin á myndinni tengjast ekki málinu sem er til rannsóknar. Vísir/Vésteinn

Lögreglunni á höfuðborgarsvæðinu barst í nótt tilkynning um slasaðan karlmann á fertugsaldri fyrir utan hús í Rauðagerði í Reykjavík. Endurlífgunartilraunir hófust strax á vettvangi og í kjölfarið var hann fluttur á Landspítala. Hann var úrskurðaður látinn stuttu eftir komuna. 

Þetta kemur fram í tilkynningu frá lögreglu. Margeir Sveinsson yfirlögregluþjónn hjá miðlægri rannsóknardeild lögreglunnar á höfuðborgarsvæðinu segir í samtali við fréttastofu að málið sé á viðkvæmu stigi og verst allra fregna að svo stöddu. 

Samkvæmt heimildum fréttastofu er talið að andlátið hafi borið að með saknæmum hætti. Karlmaður er í haldi lögreglu vegna málsins. Hinn látni og sá sem er í haldi lögreglu eru báðir af erlendum uppruna. 

Þegar fréttastofa var á vettvangi á tólfta tímanum í dag var tæknideild lögreglunnar að störfum. Studdist hún meðal annars við málmleitartæki og dróna sem sveif yfir vettvangi.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.